მერე რა, თუკი გულია სუსტი,
რომ სიხარული ზოგჯერ მწუხრია,
ზოგს თუ ახარებს, რომ ცაა ლურჯი,
ზოგს ცის დანახვაც არ შეუძლია.
მერე რა, თუკი ენა დამუნჯდა
და ყველა სიტყვა განსაზღვრულია,
ზოგს მარტოობა სულში გაუჯდა,
ზოგს მარტო ყოფნაც არ შეუძლია.
...და თუ იპოვე, ის ერთადერთი,
ერთი ფასი აქვს, ცალს და უღლიანს,
ზოგს სიყვარული ჰგონია ღმერთი,
ზოგს სიყვარულიც არ შეუძლია.
ნანა სელეპანოვა - მერე რა
⏱️ 1 წთ.
👁️ 0
100%