ნანა სელეპანოვა - გადამაყოლე წერასა
ლექსებით მელამუნები,
ეგებ, პირისპირ გეცადა,
ბიჭავ, ჩამახსენ ხუნდები,
მეც დავწყნარდები, შენაცა.

ისევ შორიდან ალერსობ,
ვეღარ აჩერებ ენასა,
როდემდინ უნდა გალექსო,
გადამაყოლე წერასა.

ხან მებუტები, გიჟობ ხან,
ხანაც ვერ მალავ სევდასა,
ჩემთან წაწლობა გიჯობდა,
ე, მაგ დიაცთა დევნასა.

მაინც მივაღწევ მიზანსა,
დაგწვამ ცეცხლისა ალებით,
შენთვინ გამოთლილ ისარსა,
გტყორცნი სევდიან თვალებში.
მასალის გამოყენების პირობები

Добавить комментарий

Автору будет очень приятно узнать обратную связь о своей новости.