ნანა სელეპანოვა - ცაში მოგელი
გათავდა! წასვლას,
თუკი არ იშლი,
გულდაწყვეტილი,
ნებით გნებდები,
მე თმებს გულმკერდზე
აღარ გაგიშლი
და სამუდამოდ
ჩამოგეხსნები.

მე შენში ღმერთად
ვადარე ღმერთი,
იყავ ვარსკვლავთა
სხივით ფენილი,
არ დაეშვები ციდან
და მეტყვი -
ჩემი გულიდან
ხარ განდევნილი.

შენ სახელს ლექსში
გააწკრიალებ
და შენს სახელსაც
ვარსკვლავს დაარქმევ,
მერე კი, ცხვირწინ
ამიფრიალებ,
შენი ღიმილით
ცის სილაჟვარდეს.

გათავდა! წასვლას,
მაინც არ იშლი,
შენ მიწიერის არ
ხარ მყოფელი,
მეც თმებს უშენოდ
ცაში გადვიშლი
და გულფანცქალით
დაგელოდები.
მასალის გამოყენების პირობები

Добавить комментарий

Автору будет очень приятно узнать обратную связь о своей новости.