მერაბ სალუქვაძე - მე ისევ მოვედი შენთან –
– მე ისევ მოვედი შენთან –

დაღამდა,
მე კარგად ვიგრძენ,
სიშორე შენი
ხვალინდელი დღის...
გეძახი!
თუმცა, ეს ძახილი გაუფანტავს
შემოდგომის აუღწერელ სიცივეს,
ხანდახან იცი?
როგორ მთრგუნავს
განშორება, მონატრება შენი,
ყოვლის მთქმელი
ეს შენი შავი თვალები,
ხშირად უმწეო
ფოთოლცვენას გაჰყოლია
მონატრება, ტკივილი ჩემი,
გნატრულობ!
შემონათებას ჩემს ეზოში
სადაც, ოდესღაც გხედავდი,
გაწვიმდა,
წვიმის წვეთები
როკავს ჩემს ფანჯრებთან,
და მონატრებულ
გუბეებად მიედინება...
ჯერ იცი?
ვერ გამირკვევია
ცრემლებია თუ ნიაღვარი,
ისევ ხმა მესმის შენი
შეციებული
ძახილი ღამით!
კარი გამიღე
მომენატრე და
მე ისევ
შენთან მოვედი...
მასალის გამოყენების პირობები

Добавить комментарий

Автору будет очень приятно узнать обратную связь о своей новости.