ასე გადის წლები
(ase gadis wlebi)
(ase gadis wlebi)
ვუძღვნი ერლომს
დილით ადრე ვდგები. ვაღვიძებ ჩემს პირველკლასელ შვილს. ვაცმევ, ვაჭმევ და სკოლაში მიმყავს.
ჭიშკართან მეზობელს ველოდები. ჩვენი შვილები თანაკლასელები არიან და სკოლაში ერთად მივდივართ.
გზაში მეზობელი თავისი შვილის შესახებ მიყვება.
ჩვენ ერთად ვიცინით. მე მეზობლის შვილს სიყვარულით თმებს ვუჩეჩავ.
ჩემი შვილი იბუტება.
ბავშვებს სკოლაში ვტოვებთ. სიგარეტს ვყიდულობთ და სახლში ერთად ვბრუნდებით.
ჩემი მეზობელი ისევ თავის შვილზე მიყვება.
მე მინდა ვუთხრა, რომ ჩემი შვილიც არანაკლები ონავარია და ისიც ათას სისულელეს სჩადის, რომ ხვალ აქეთობისას, მეც მინდა ჩემი შვილის შესახებ მოვუყვე, მაგრამ რატომღაც არ ვეუბნები.
გადის წლები.
***
მე და მეზობელი ისევ ერთად დავდივართ სკოლაში. ახლა შვილიშვილები დაგვყავს.
შვილიშვილებიც თანაკლასელები არიან.
გზაში ჩემი მეზობელი თავისი შვილიშვილზე მიყვება.
ჩვენ ერთად ვიცინით და მე მეზობლის შვილიშვილს შორიდან თვალებით ვეფერები.
ჩემი შვილიშვილი გაბუტულივით გვერდზე იყურება.
ბავშვებს ისევ სკოლაში ვტოვებთ. სიგარეტს ვყიდულობთ და სახლში ვბრუნდებით.
მეზობელი ისევ თავისას მიყვება.
მეც მინდა მოვუყვე. მინდა ვუთხრა, რომ მე მყავდა პატარა შვილი რომელიც ახლა დიდია და მყავს შვილიშვილი რომელიც ჯერ პატარა და რომ ორივე ძალიან მიყვარს...
რომ ჩვენ ნელ-ნელა ვბერდებით და შვილიშვილები ძალიან სწრაფად იზრდებიან.
წლები კი ერთნაირად გადის..
დილით ადრე ვდგები. ვაღვიძებ ჩემს პირველკლასელ შვილს. ვაცმევ, ვაჭმევ და სკოლაში მიმყავს.
ჭიშკართან მეზობელს ველოდები. ჩვენი შვილები თანაკლასელები არიან და სკოლაში ერთად მივდივართ.
გზაში მეზობელი თავისი შვილის შესახებ მიყვება.
ჩვენ ერთად ვიცინით. მე მეზობლის შვილს სიყვარულით თმებს ვუჩეჩავ.
ჩემი შვილი იბუტება.
ბავშვებს სკოლაში ვტოვებთ. სიგარეტს ვყიდულობთ და სახლში ერთად ვბრუნდებით.
ჩემი მეზობელი ისევ თავის შვილზე მიყვება.
მე მინდა ვუთხრა, რომ ჩემი შვილიც არანაკლები ონავარია და ისიც ათას სისულელეს სჩადის, რომ ხვალ აქეთობისას, მეც მინდა ჩემი შვილის შესახებ მოვუყვე, მაგრამ რატომღაც არ ვეუბნები.
გადის წლები.
***
მე და მეზობელი ისევ ერთად დავდივართ სკოლაში. ახლა შვილიშვილები დაგვყავს.
შვილიშვილებიც თანაკლასელები არიან.
გზაში ჩემი მეზობელი თავისი შვილიშვილზე მიყვება.
ჩვენ ერთად ვიცინით და მე მეზობლის შვილიშვილს შორიდან თვალებით ვეფერები.
ჩემი შვილიშვილი გაბუტულივით გვერდზე იყურება.
ბავშვებს ისევ სკოლაში ვტოვებთ. სიგარეტს ვყიდულობთ და სახლში ვბრუნდებით.
მეზობელი ისევ თავისას მიყვება.
მეც მინდა მოვუყვე. მინდა ვუთხრა, რომ მე მყავდა პატარა შვილი რომელიც ახლა დიდია და მყავს შვილიშვილი რომელიც ჯერ პატარა და რომ ორივე ძალიან მიყვარს...
რომ ჩვენ ნელ-ნელა ვბერდებით და შვილიშვილები ძალიან სწრაფად იზრდებიან.
წლები კი ერთნაირად გადის..