margvelashvili givi wignis gmirebis drouli gadasaxleba
ადგილი: მათეს სახარება, ბეთლემი
დრო: ყრმათა გაჟლეტის წინა დღე
კაცი გამალებით მიაქანებს აჭრიალებულ ოთხთვალას ქალაქის ჭიშკრისკენ. ოთხთვალაზე მოსასხამში გახვეული, ერთიანად შებურული ქალი ზის. ესენი სახარების პერსონაჟები: იოსები და მარიამი არიან. მარიამს შიშნეულად ჩაუკრავს მკერდში მთვლემარე მაცხოვარი, ცხოვრებისეულ-წიგნისეული პირმშო თავისი. ისინი ეგვიპტეში გარბიან.
იმავდროულად იმავ ადგილიდან მათრახების შხუილსა და აღელვებულ შეძახილებში საწინააღმდეგო მიმართულებით მიისწრაფვის კაცებით, ქალებითა და (ორ წლამდე) ყრმებით ავსებულ საზიდართა გრძელი რიგი. მათ მიუძღვებიან წიგნის სამყაროს მმართველობის მიერ წარგზავნილი წინამძღოლები. ესენი რეალური ადამიანები და გამოცდილი მეგზურნი არიან, რომელთაც კარგად იციან წიგნის სამყაროს სხვადასხვა მხარე-უბნების შემაერთებელი გზა-ბილიკები. მშობლიური კუთხიდან აყრილი მშობლები და ყრმანი მათ ლუკას სახარებაში გადაჰყავთ, რადგან აქ არ ხდება ყრმათა გაჟლეტა და უასაკო ლტოლვილებს წიგნის სამყაროს ამ მხარის ისტორია ხიფათს არ უქადის.
გერმანულიდან თარგმნა ნაირა გელაშვილმა
ადგილი: მათეს სახარება, ბეთლემი
დრო: ყრმათა გაჟლეტის წინა დღე
კაცი გამალებით მიაქანებს აჭრიალებულ ოთხთვალას ქალაქის ჭიშკრისკენ. ოთხთვალაზე მოსასხამში გახვეული, ერთიანად შებურული ქალი ზის. ესენი სახარების პერსონაჟები: იოსები და მარიამი არიან. მარიამს შიშნეულად ჩაუკრავს მკერდში მთვლემარე მაცხოვარი, ცხოვრებისეულ-წიგნისეული პირმშო თავისი. ისინი ეგვიპტეში გარბიან.
იმავდროულად იმავ ადგილიდან მათრახების შხუილსა და აღელვებულ შეძახილებში საწინააღმდეგო მიმართულებით მიისწრაფვის კაცებით, ქალებითა და (ორ წლამდე) ყრმებით ავსებულ საზიდართა გრძელი რიგი. მათ მიუძღვებიან წიგნის სამყაროს მმართველობის მიერ წარგზავნილი წინამძღოლები. ესენი რეალური ადამიანები და გამოცდილი მეგზურნი არიან, რომელთაც კარგად იციან წიგნის სამყაროს სხვადასხვა მხარე-უბნების შემაერთებელი გზა-ბილიკები. მშობლიური კუთხიდან აყრილი მშობლები და ყრმანი მათ ლუკას სახარებაში გადაჰყავთ, რადგან აქ არ ხდება ყრმათა გაჟლეტა და უასაკო ლტოლვილებს წიგნის სამყაროს ამ მხარის ისტორია ხიფათს არ უქადის.
გერმანულიდან თარგმნა ნაირა გელაშვილმა