მანველი ლანა - Manveli Lana

წინა დღეებში, მეზობელთან ახსენეს მისი სახელი.გული საშინლად გაებერა და სიტყვა ვეღარ დაძრა.სახლში მიბრუნებულმა სიგარეტი სიგარეტზე მოწია და ცრემლიც ბლომად ღვარა,მერე კალამი აიღო და თეთრი ფურცელი მისი სახელით გაავსო.
...ენატრებოდა,უსაშველოდ სწყუროდა მისი ნახვა.ახალგაზრდა კაცმა თავი შეაყვარა,თავად კი ტკივილი უფრო მეტი მიაგო,ვიდრე სიტკბო.ქალი მაინც ვერ ერეოდა თავს,მისი გამოჩენა და ყველა წყენის გადავიწყება ერთი იყო.მზად იყო თუნდაც ცხრა მთას იქით გაყოლოდა.მიუხედავად იმისა,რომ კარგად იცოდა თუ როგორი უსაქმური,სმასა და ქეიფს იყო გადაყოლილი,რა ცუდი ხასიათი ჰქონდა სიმთვრალეში - გულს მაინც ვერ ერეოდა,შეყვარებულ გულს...
მისგან ჩასახული ნაყოფის მოცილება კი ყოველგვარი ყოყმანის გარეშე გადაწყვიტა.ფეხმძიმობის შესახებ არც კი უცნობებია.ბავშვს ნამდვილად ვერ გაწირავდა იმისთვის,რომ უპასუხისმგებლო და უსაქმური მამა ყოლოდა.ეს უკვე სხვა საკითხი იყო,შეყვარებული გულიც არ ჩარეულა ამ გადაწყვეტილების შეცვლაში.აბორტიდან რომ ბრუნდებოდა-გაწამებული და გადაღლილი,უბანში ის დაინახა,ძმაკაცებთან ერთად არხეინად მდგომი,მაშინ კი სადღაც გაუქრა სიმტკიცე და გული აუჩუყდა,მიუსაფრად და უსუსურად იგრძნო თავი.ცივ ლოგინში აცახცახებული შეწვა,აციებდა.ყელში გაჩხერილი ცრემლის ბურთულა მწარედ გადაყლაპა.მუცელზე ხელდადებულს ჩაეძინა.
შუაღამისას გამოეღვიძა,წამოდგა,ფანჯრის განიერ რაფაზე ჩამოჯდა და სიგარეტს მოუკიდა.შემოდგომის ცა შავად მოქუფრული, უიმედოდ გადმოჰყურებდა ზემოდან.
_ ღმერთო! მაპატიე!.. _ ჩაიჩურჩულა და ლოყაზე უპატრონობის ცრემლი ჩამოუგორდა...
ამ ამბიდან სულ ცოტა ხანში,ბინა გაყიდა და გერმანიაში წავიდა ახლობლებთან.მისთვის(კაცისთვის) არაფერი არ უთქვამს.რამდენიმე უსიამოვნო სამუშაოს გამოცვლის შემდეგ,რესტორანში მოეწყო მიმტანად.ერთ საღამოს სახალხო თეატრის სპექტაკლზე მოხვდა.მსახიობები არაპროფესიონალი ადამიანები იყვნენ|:-
ყოფილი ნარკომანები,მეძავები,ჰომოსექსუალები... ქალაქის მუნიციპალიტეტი მხარდაჭერასა და ზრუნვას არ იშურებდა მათი ფსიქოლოგიური რეაბილიტაციისათვის.
სწორედ ამ დასის სპექტაკლზე დაინახა ის პირველად,რომელიც მთელი პირველი მოქმედების განმავლობაში ცკმუტავდა,უცნაურად იცინოდა და ხელებს კეკლუცად იქნევდა.ქალმა თავს ძალა დაატანა და გამოელაპარაკა.ცოტათი შეცბუნებული იყო,რადგანაც აქამდე არასდროს არ ჰქონოდა კონტაქტი სექსუალური გადახრის ტიპთან.ის ენაწყლიანი მოსაუბრე გამოდგა და სპექტაკლის დამთავრების შემდეგ ერთმანეთს უკვე ამხანაგებად დაცილდნენ.
სახლში მისული ქალი უცნაურად ფორიაქობდა.სარკეში თავის ორეულს მოკრა თვალი,ახლოს მივიდა,ჯერ სახე შეითვალიერა,წარბებზე გადაისვა თითები და ლოყებს ჩამოყვა,ყელიდან ნელ-ნელა ჩააცურა ხელები და მკერდზე შეჩერდა,ძუძუს თავები თითებში მოაქცია და მოუჭირა,სხეული უცნაურად აუძაგძაგდა და იმ წამებში მიიღო გადაწყვეტილება-რადაც არ უნდა დაჯდომოდა,ამ დეგრარირებულ ადამიანში,მამაკაცობა გამოეღვიძებინა...
ერთმანეთს ისევ თეატრში შეხვდნენ.ქალი ცდილობდა არა თვალში საცემი მოქმედებებით,მაინც ქალური ეშმაკობები ეხმარა.შიშველი მკლავი ვითომდა შემთხვევით მის მკლავს გაუხახუნა,თუმცა კანის გლუვი ზედაპირი არ ესიამოვნა და უმალ მოაცილა,ცდები მაინც არ მიუტოვებია და ნაცნობობის ერთი თვის შემდეგ,დიდი სიამოვნებით აკვირდებოდა თუ როგორ გაქრა კაცის ტუჩებიდან ჯერ საცხი,შემდეგ ლაქი ფრჩხილებიდან... სულ მცირე ხანის გამოტოვებით ქანაობით სიარულს გადაეჩვია და ხელების კეკლუცად ქნევასაც შეეშვა.ერთ დღეს გრძელი თმები შეიმოკლა.ქალმა კმაყოფილებით შეამჩნია რომ მზერა შეეცვალა და ახლა უკვე,ორივეს მიერ კაფეში მირთმეულის საფასურს მხოლოდ ის იხდიდა.
ქალი იმდენად ჩაეფლო თავის მოგონილ თამაშში,რომ არც უფიქრია შედეგებზე.დროც არ ჰქონდა ეფიქრა,იმაზე თუ რას მოუტანდა მას ეს ყველაფერი ბოლოს.გამოფხიზლება კი მაშინ დაიწყო,როდესაც მორიგი გაცილების დროს,კაცმა მისი თითები ხელში მოიქცია და მოუჭირა.ქალს უსიამოდ გააჟრჟოლა,მაგრამ თამაში მაინც არ შეუწყვეტია.ორი დღის შემდეგ,კინოთეატრიდან რომ გამოვიდნენ,ქალმა ჩვეულებისამებრ სკვერთან მდგომ ახალგაზრდებს თვალი გააყოლა.კაცი სახეში მიაჩერდა და მკაცრი ტონით - ,,მაქეთ რას იყურებიო! ” -შეუბღვირა.ქალი ჯერ გაოცდა,მერე სიბრაზისგან ენა დაება.ისე დაცილდნენ აღარაფერი უთქვამთ ერთმანეთისთვის. ერთმა კვირამ ისე ჩაიარა,არ შერიგებულან.ქალი თანდათან ძველებურ ცხოვრებას უბრუნდებოდა და მომხდარის დავიწყებას ცდილობდა.კარზე ზარი რომ დარეკეს,ჯერ იფიქრა არ გავაღებო,მაგრამ ზარს ბრახუნიც რომ მოყვა,გადაწყვეტილება შეცვალა.მისი საცხოვრებელი ოთახი,გრძელ დერეფანში აქეთ-იქეთ ჩარიგებული ოთახებიდან ერთ-ერთს წარმოადგენდა.საკმარისი იყო ერთგან ხმამაღლა დაელაპარაკათ ყველას ესმოდა,ამიტომაც სასწრაფოდ კართან გაჩნდა და გააღო.
ზღურბლთან ის იდგა.ეტყობოდა რომ ნასვამი იყო.ხელში ერთი ვარდი და ყუთით ტორტი ეჭირა.ცდილობდა სწორად და გამართულად მდგარიყო.ქალი შეცბა,მაგრამ არ შეიმჩნია.კაცმა გვერდზე გაწია და ოთახში შეიჭრა.ვარდს ვერცხლისფერი ქაღალდი შემოაცალა და ვიწროყელიან,მოგრძო ქილაში ჩაარჭო,რომელიც იქვე კედელზე ირიბად ჩამოკიდებულ თაროზე იდგა.ტორტი ყუთიდან ამოიღო,მიმოიხედა,ქალი მიხვდა რაც უნდოდა,გაოგნებული ჯერ კიდევ კართან მდგომი,კარადას მიუახლოვდა და თეფშები გამოალაგა.კაცი თავს იდებდა - ვითომდა,ნახეთ რა მაგარი ვინმე ვარო,თუმცა ერთი პირობა ცოტა დააკლდა ტორტს გადაემხო ზედ... ლიქიორს სვამდნენ... დასაწყისში ქალი ,,ჰო“ -თი ან ,,არა“-თი ეპასუხებოდა,მაგრამ თანდათან ლოყები აეტკიცა,ხმამაღალი სიცილით ათასგვარი აბდაუბდის მოყოლა დაიწყო.მხიარულება ისტერიული ტირილით შეცვალა და სულ ცრემლების ღვრით მოყვა თავისი უბედური სიყვარულის ისტორია.კაცი ახლოს მიუჩოჩდა და ხელი მოხვია.ქალმა ისტერიული ტირილი,ისტერიული სიცილით შეცვალა.კაცმა თითები კაბის ჭრილში შეუცურა და მკერდი ღონივრად მოუსრისა.ქალმა დაიკივლა,ცდილობდა განთავისუფლებულიყო,მაგრამ ის არ ეშვებოდა,კიდევ უფრო ეკვროდა,კბენდა და მის დაუფლებას ცდილობდა.ქალი უკანასკნელი ძალით ცდილობდა წინააღმდეგობის გაწევას,ბოლოს სხვა რომ ვეღარაფერი მოახერხა,მთელი ძალით ამოარტყა მუხლი ფეხებშუა.კაცმა დაიყმუვლა და სიმწრისაგან იატაკზე ჩიკეცა.მისგან განთავისუფლებულმა ქალმა,სანახევროდ გაშიშვლებული სხეული დაიფარა და ჯერ კიდევ ძირს მგორავ სტუმარს დამცინავად წაუსისინა: - ,,რაო! შენი თავი მართლა კაცი ხომ არ გეგონაო!?“ - კარი გაიჯახუნა და დერეფანში მოგროვილ მეზობლებს აწითლებულმა ჩაუარა... უკან დაბრუნებულს ოთახი ცარიელი დაუხვდა.იმ ღამით თვალი არ მოუხუჭავს,გათენებამდე თავის სულელურ ექსპერიმენტზე ფიქრობდა.
მას შემდეგ,სახალხო თეატრის სპექტაკლებს აღარ დასწრებია...
ერთხელაც სამსახურიდან სახლში რომ ბრუნდებოდა,კარგა გვარიანად შესცივდა და გზაზე ბედად გამოჩენილ თავისუფალ ტაქსს ხელი დაუქნია.ის იყო მანქანის კარი უნდა გამოეღო,რომ ზურგიდან ვიღაცეები დაეტაკნენ,გვერდით მიაგდეს და თავად მოთავსდნენ მანქანაში.ქალი დაეცა. მუხლი ,ტროტუარზე ძლიერ დარტყმის გამო გადაუსკდა.სიმწრისგან გაავებული ძლივს წამოდგა, ტაქსისკენ გაიწია და ნაბიჯი ვეღარ გადადგა -
მისი ყოფილი მეგობარი,კევის ღეჭვით და დამცინავი სიცილით ნაზად უქნევდა ხელს,მანქანა კი მისნაირებით იყო სავსე.