დღეს გავიხიზნე ჩემი თავისკენ
(dges gavixizne chemi tavisken)
(dges gavixizne chemi tavisken)
დღეს გავიხიზნე ჩემი თავისკენ, ვიარე დიდხანს, დიდხანს ვიარე, გზა სამშვიდობო გადავივიწყე და თითებშუა დრო გამდინარე გადამავიწყდა ისიც თავისით, სამშვიდობოზე მაინც გავედი, იქ ყველა ბგერა ასე ღრმად ისმის, თორმეტი კარით, ზოგჯერ ცამეტით ხანდახან ვხედავ სამყაროს ანარეკლს, სინათლის სიჩქარეს, სიბნელის სინელეს, ზოგჯერ აღმართსაც დაღმართს ვადარებ თავს როცა შუქიც გადაიბნელებს, მიისაკუთრებს წამიც მთლიან დროს, ჩემი შენდამი ტრფობაც გაქრება, ან არ გაქრება, სხვას ვის მივაგნო, შუქზე სხვა შუქი არ ჩანს ლაქებად, დღეს გავიხიზნე ჩემი თავისკენ, ყველა სიკეთეს დღეს მინდა შევწვდე, ალბათ ვერასდროს ვერ დავივიწყებ, წამს, როცა ისიც ილტვოდა ჩემსკენ.