მებურიშვილი ირაკლი - Meburishvili Irakli

1073 წლის ზაფხულში მეფე გიორგი მეორეს განუდგნენ დიდგვაროვანი ფეოდალები, ნინია ქვაბულის ძე, ივანე ლიპარიტის ძე და ვარდან სვანთა ერისთავი. ნიანია ქვაბულის ძემ ქუთაისი დაიკავა და „წარუღო ქუთათისისა საჭურჭლე“, ივანე ლიპარიტის ძემ კახელები მოიშველია და ქსნისპირი დაიპყრო, ხოლო ვარდანმა სვანები ააჯანყა და საეგრო დაარბია. 1992 თუ 93 წელი, ქ.ქუთაისი, ზამთარი, ქალაქის ცენტრალურ გამზირზე დიდი ‘’რეიდია’’, დგანან დაახლოებით თხუთმეტი სამხედროფორმიანი კაცი, რამდენიმე პოლიციის ფორმით და რამდენიმე სამოქალაქო ტანსაცმელში, ქუჩის პირზე ბორდიურთან საბურავი იწვის და ბოლავს, ‘’რეიდის’’ წევრები მბოლავ საბურავთან რიგირგობით მიდიან და თბებიან, რამოდენიმე მანქანა გვერდზე ყავთ გადაყენებული, არის ყვირილი და გაწევა გამოწევა, ზოგ მანქანას ჩხრეკენ, ზოგი საჯარიმოზე გადაყავთ, ზოგი ნასვამი მოძღოლი, გაუჩერებლად, გვერდითი ფანჯრიდან გადაყოფს ხელს, რომელიმეს ფულს მიაწოდებს და გზას განაგრძობს, ალაგ ალაგ ბნელ ცას ტრანსირებული ტყვიები სერავს დაუმოჩილებელი მძღოლების შესაშინებლად, ყველა სულმოუთქმელად ელოდება რეიდის დასასრულს, შემოსული ფულის განაწილებას და ნაწილი თანხის გადადებას ‘’ზემოთ’’ წასაღებად, რეიდი დასასრულს უახლოვდება, მანქანების რიცხვი თანდათანობით იკლებს, სადღაც ათი წუთი არავის გაუვლია, დასაშლელად ემზადებიან და ამ დროს მოულოდნელად, ორი სწრაფათ მოსიარულე ‘’ნივა’’გამოჩნდა, პოლიციის ფორმიანმა ‘’ჩაფშტვინა’’, სამხედროფორმიანებმა მომართეს ავტომატები, მანქანებმაც გააჩერეს, წინა მანქანის მძღოლს, პოლიციელისკენ არც გაუხედავს ‘’ქსივა’’ ისე მიაწოდა, პოლიციელმა ‘’ქსივას’’ ჩახედა, ვაა ასმეთაური, მიხვდა მძღოლი ნასვამი იყო, გადმოდი მანქანა უნდა გავჩხრიკოთ და თქვენ სიმთვრალეზე შეგამოწმოთ, გაუღიმა მძღოლს, რააა მკაცრად იკითხა მძღოლმა, გაუკვირდა პოლიციელის მოთხოვნა და ‘’ქსივას’’ უკან დაბრუნება მოითხოვა, სიტუაცია დაიძაბა, მანქანასთან კიდე რამდენიმე პოლიციელი მივიდა, მძღოლი აშკარათ არ აპირებდა მანქანიდან გადასვლას, გადმოდი რო გეუბნები, ცოტა მკაცრად, კიდე მიმართა პოლიციელმა, მძღოლმა სიგარეტის ნამწვი ისროლა პოლიციელების მხარეს და მანქანა დაქოქა, ამ დროს ერთერთმა პოლიციელმა, მხარში ხელი მოკიდა, ძლიერად შეანჯღრია და მისკენ მოქაჩა, მძღოლმა სწრაფად გააღო კარები და მანქანიდან გადმოხტა, ვინც პირველად მივიდა მასთან და გადმოსვლა მოთხოვა, იმასთან მივარდა, ორივე ხელი ქურთუკში მოკიდა და აქეთ იქეთ დაატრიალა, პოლიციელებმა მძღოლის დამორჩილება და ხელების გაბორკვა ცადეს, მაგრამ მძღოლმა ორივე ხელი ძლიერათ მოიქნია და პოლიციელები აქეთ იქეთ მოიფრიალა, დაიწყო ჩხუბი, მძღოლის მანქანაში და მის მხლებელ, უკანა მანქანაში, დაახლოებით ოთხი ხუთი კაცი იყვნენ, მაგრამ მაგარი მთვრალები, დანარჩენი ქალები ახლდათ, პოლიციელები უფრო მეტი იყვნენ, ფხიზლები, თან ხელკეტები ქონდათ, მძღოლმა და მისმა ერთერთმა მხლებელმა იარაღის ამოღება ცადეს, მაგრამ პოლიციელებმა წართმევა მოახერხეს და ჩხუბიც უფრო გამწვავდა, პოლიციელების დამხმარე რამდენიმე მანქანაც მივიდა, ბოლო ბოლო შეძლეს და მძღოლი მის თანმხლებ პირებთან ერთად დააკავეს, ყველა მაგარი ნაცემი იყო, იმ ორომტრიალში ერთერთი ქალი წაიქცა და ძლიერ დაშავდა, დაკავებულები განყოფილებაში მიიყვანეს, მალე ვიღაცამ ‘’ზემოდან‘’ დარეკა და მათი განთავისუფლება მოითხოვა, ყველა მალე გაუშვეს, იარაღები დაუბრუნეს და ბოდიში მოუხადეს, იმ ღამემ ქალაქში მშვიდათ ჩაიარა, ორ დღეში, სისხამ დილით, ქალაქის შესასვლელში, სატვირთო მანქანა ‘’ურალი’’ გამოჩნდა, მასზე დაახლოებით ორმოცდაათი ‘’კბილებამდე’’ შეიარაღებული კაცი იდგა, მანქანის ძარის თავზე დიდი ტყვიამფრქევი იყო შემოდებული და ერთერთს ქონდა მომარჯვებული, სატვირთო მანქანას უკან ათამდე მსუბუქი მანქანა მიყვებოდა, დაიწყეს ქალაქში, პოლიციის შენობის მიმართულებით ნელი სვლით შესვლა, ამ დროს პოლიციის შენობიდან, თითქმის მთელი შემადგენლობა გამოვიდა და საღორიის ტყისკენ წავიდა, შენობაში მხოლოდ ერთი, წარმოშობით სვანი, თანამშრომელი დარჩა, სტუმრები ნელი სვლით მიუახლოვდნენ პოლიციის შენობას, დაიწყეს მის ირგვლივ განლაგება და პოზიციების გამაგრება, ქალაქიც ნელ ნელა ნელა იღვიძებდა, შენობის ირგვლივ მცხოვრებმა მოსახლეობამ, როგორც გაიღვიძა და ქალაქში ამდენი შეიარაღებული ხალხი დაინახა, პანიკაში ჩავარდა, ვინ საით გარბოდა და ვინ საით, ზოგი მანქანით, ზოგიც ფეხით, ვიღაცამ თქვა აფხაზები არიანო, ვიღაცამ ჩეჩენები და რუსებიო, ბოლოს ქუდებით და ლაპარაკით მიხვდნენ რო ქართველები იყვნენ, მაგრამ პანიკა მაინც გრძელდებოდა, სტუმრებმა, საერთოთ ურეაქციოთ, იქვე მდგომ, რამდენიმე ახალგაზრდა ბიჭს დაუძახეს და უთხრეს რო ხალხს არაფერს ერჩოდნენ, მხოლოდ პოლიციელებთან აპირებდნენ ანგარიშსწორებას, სეირის მაყურებლებიც აქტიურათ ჩაერთნენ საქმეში, რაო რა მოხდა ჩემი ძმა, კითხა ერთერთმა სტუმარს, ჩვენი ძმები ცემეს, ქალს შეურაწყოფა მიაყენეს, მოკლეთ და მკვეთრი აქცენტით უპასუხა სტუმარმა, შეხედე ბიჭო რა უქნიათ, უთხრა სეირის მაყურებელმა მის გვერდით მდომ ძმაკაცს, აბა ბიჭო აბა, იმანაც თავი გაიქნია სინანულით, თქვენ გვერდით ვართ ძმებო, უთხრა ერთერთმა ქუდიან სტუმარს და ორივე მუშტი მკერდზე მიირტყა, იარაღი მოგვეცით და გვერდში დაგიდგებით ‘’ბრატ’’ უთხრა მეორემ, არ გვჭირდება მადლობთ, უპასუხა მოკლედ ქუდიანმა სტუმარმა, კაი ძმაო, თუ რამე დაგჭირდეთ აქ ვართ, დაემშვიდობენ და თავიანთ ადგილზე დაბრუნდნენ, ქუდიანი სტუმრები პოლიციის შენობის ირგვლივ განლაგებას და პოზიციების გამაგრებას მორჩნენ, ერთერთმა მანქნანიდან ‘’უპორი’’ გადმოიღო და ხმამაღლა დაიყვირა, გამოდით ჩაგვბარდითო, შენობიდან მხოლოდ ერთმა კაცმა გამოყო თავი და სვანურად უპასუხა, არ მესროლოთ, თქვიანიანი ვარო, შენობიდან გავიდა და სტუმრებისკენ წავიდა, დაიწყო მოლაპარაკება, ქალაქის მერიიდან რამდენიმე პირი მივიდა და მოლაპარაკებაში ჩაერთო, ამ დროს იმ უბნელი რამდენიმე პატარა ბიჭი ‘’ურალთან’’ მივიდა და ტყვიამფრქვევმომარჯვებულ, ქუდიან სტუმარს, ერთერთმა გაწელილი და რბილი ხმით თხოვა, გვასროლიე ბიძია, ქუდიანს გაეცინა, ბრძოლის შემდეგ ტყვიები თუ დამრჩა გასროლინებთ, მკვეთრი აქცენტით უპასუხა, ბიჭებს გაუხარდათ, ვაა ბრძოლა იქნება, რა მაგარია, ჩაილაპარაკა ერთერთმა და იქვე მდგარ კორპუსის სახურავზე გამაგრდნენ საყურებლად, თუ ბრძოლა არ იქნებოდა და ვერ ნახავდნენ, მაშინ ტყვიამფრქვევს ისროდნენ და მერე იტრაბახებდნენ სხვა უბნელებთან, პოლიციის შენობის წინ მოლაპარაკება გრძელდებოდა, ქუდიანების მოთხოვნა კატეგორიული იყო, ითხოვდნენ სამ კაცს, პოლიციის უფროსს და ორ თანამშრომელს, რომლებიც ყველაზე მეტად აქტიურობდნენ ჩხუბის დროს, მოლაპარაკება რამდენიმე საათს უშედეგოთ გაგრძელდა, მოთხოვნილი ხალხი და ყველა ჩხუბის მონაწილე, სწრაფად გაიყვანეს ქალაქიდან და თბილისის მიმართულებით გაუშვეს, ბოლო ბოლო ‘’ზემოდან’’ რამდენიმე ავტორიტეტული პირი ჩაერთო და კატეგორიულათ მოთხოვეს სტუმრებს დაეტოვებინათ ქალაქი, იმათმაც რო მიხვდნენ მოთხოვნილ ხალხს არ გადაცემდნენ და ვერ იპოვნიდნენ, პოლიციიის შენობაში დატოვებული ერთი პოლიციელი იარაღის მუქარით გააჩერეს, შენობაში შევიდნენ და იარაღის საწყობის დაცლა დაიწყეს, მთელი პოლიციის არსენალი თავიანთ ურალზე დატვირთეს, ესეც მოგვეცით უთხრეს მერიის წარმომადგენელს იქვე ეზოში მდგარ ‘’ბეტეერზე’’, ეგ გაფუჭებულია არ დადის უპასუხა ვიღაცამ, არაუშავს ჩაილაპარაკა ერთერთმა, ბეტეერი გამოაგორეს და თავიანთ ურალზე ჩააბეს, წასვლის წინ ტყვიამფრქვევმომარჯვებულმა ქუდიანმა სტუმარმა თითო თითო ტყვია ასროლია პატარა ბიჭებს, ბიჭებიც გახარებული სხვა უბანში გაიქცნენ სატრაბახოთ, სტუმრებმა ქალაქი ნელი სვლით დატოვეს, დარჩა ესე ბნელი ქალაქი, სახლების ფანჯრებიდან გაშვერილი შეშის ღუმელების მილებით, რაკეტის ფორმის წყლის ცარიელი ავზებით, ჟანგიანი ჭიშკრებით და ღობეებით და უიარაღო პოლიციით.....1073 წლის ზაფხულში მეფე გიორგი მეორეს განუდგნენ დიდგვაროვანი ფეოდალები, ნინია ქვაბულის ძე, ივანე ლიპარიტის ძე და ვარდან სვანთა ერისთავი. ნიანია ქვაბულის ძემ ქუთაისი დაიკავა და „წარუღო ქუთათისისა საჭურჭლე“, ივანე ლიპარიტის ძემ კახელები მოიშველია და ქსნისპირი დაიპყრო, ხოლო ვარდანმა სვანები ააჯანყა და საეგრო დაარბია.