სველი საშლელი
(sveli sashleli)
რა უცნაური საშლელია. ერთ წუთს შენს წინ აფერადებული სამყაროა, მეორე წუთს უსასრულო სითეთრე, რომელსაც ისევ ცვლის ფერწერული ილუსტრაცია, კვლავ სითეთრე და ა.შ. რამდენჯერმე დაახამხამე თვალები შენი ფერადი საშლელი, რომელიც ხანდახან უხილავ ოცნების სამყაროსაც დაგაახლოებს, ხან კი თვალწინ არსებულსაც უჩინოს გაგიხდის.
* * *
შენ გეგონა, გათენდა. მე კი ვარსკვლავები ჩამოვბერტყე, რადგან ცის ხალიჩაზე მძივი დამებნა და აკინძვა აღარ ვისურვე. შენ მთელი დღე ქუჩა-ქუჩა დაეხეტებოდი, არ იცოდი, რას აკეთებდი, რა საქმე გქონდა... მე კი ვიცოდი ვარსკვლავებს ეძებდი, ვერ პოულობდი და გაიძახოდი: ეს რა უთავბოლო დღეაო. მართლაც ასე იყო გაწყვეტილიყო მძივი და აღარც თავი ჰქონდა, აღარც ბოლო...
ვარსკვლავები ჭაში ჩამცვენოდა... იქ უცხო ქვიშით ჭორფლებს იწმენდნენ და ისევ ღამით აპირებდნენ შენთან შეხვედრას.
გაბროშვილი თამარ - Gabroshvili Tamar
⏱️ 1 წთ.
👁️ 6
100%