ბიწიერება ნარკოტიკივითაა, თუ ერთხელ ეცდუნე, თავს ძნელად დააღწევ
ვერ შევიცნობდი იმ იდუმალს, ჩემში რომ ფეთქდა, ...შენ რომ არ გეთქვა...
ამღვრეულ თვალებში ჯალათებს ფორუმი აქვთ.
სიტყვა შენი წამახული ისარი, სამიზნე _ ჩემი გულის მტკივნეული არე, გააპე და ის არის!
არაფერი ისე არ ალამაზებს ცხოვრებას, როგორც ადამიანთა შორის მაღალეთიკური ურთიერთობანი, ჩვენივე უმართებლო მოქმედებით ხშირად ლახვარს რომ ვასობთ ხოლმე მას, ცხოვრება კი ხშირად გვაიძულებს ამ ურთიერთობათა განგრძობას, მაგრამ არავითარ ძალებს არ ძალუძთ დაუბრუნონ მას პირვანდელი ხიბლი.
წუხელის დიდხანს არ დამეძინა, ჩემი რეალური და ირეალური საურთიერთოს კლასიფიკაციის ორ ძირითად ნიშანს მივაგენი: პირველი _ ადამიანები, რომლებმაც ცხოვრებას გაუძლეს, და მეორე _ ადამიანები, რომლებმაც ცხოვრებას ვერ გაუძლეს.