ლოპე დე ვეგა (დ. 25 ნოემბერი, 1562 — გ. 27 აგვისტო, 1635) — ბაროკოს ეპოქის ესპანელი დრამატურგი და პოეტი.ლოპე დე ვეგა დაიბადა მადრიდში. ნიშანი მისი ნიჭიერებისა და გენიალობისა მან გამოავლინა ადრეულ ასაკში. ჯერ კიდევ 5 წლის ლოპემ იცოდა კითხვა ესპანურად და ლათინურად, 10 წლის ასაკში ლათინურიდან თარგმნიდა ლექსებს, ხოლო უკვე 12 წლისამ დაწერა პირველი პიესა. 2 წლის შემდეგ იგი ჩაირიცხა სამხედრო სასწავლებელში. მოგვიანებით კი ალქალა დე ჰენარის უნივერსიტეტში, რომლის დამთავრების შემდეგ ლოპე დე ვეგამ გადაწყვიტა გამხდარიყო მღვდელი. თუმცა მან ამ ჩანაფიქრზე ხელი აიღო სიყვარულის გამო და მისი გეგმები სრულიად შეიცვალა.
×