ტელეფონი დაკარგული ნივთების პოვნაში დაგეხმარებათ

ჩინელმა ინჟინერებმა და დიზაინერებმა ახალი აპლიკაცია შექმნეს. მას "Finder"-ი ეწოდება. აპლიკაცია იმ ადამიანებისთვის არის, ვინც ხშირად კარგავს ნივთებს.

აპლიკაციას თავისი სტიკერი მოყვება, რომელშიც რადიო სიხშირეების ინდენტიფიკატორია ჩამონტაჟებული. სტიკერი მომხმარებელმა იმ ნივთს უნდა დააკრას, რომელსაც ხშირად კარგავს. მაგალითად გასაღებს, საფულეს და ბავშვსაც კი.

შემდეგ თითოეულ ნივთს სმარტფონში ჩატვირთულ პროგრამაში შესაბამისი სახელი უნდა დაერქვას. დაკარგვის შემთხვევაში, მომხმარებელი სახელს მიუთითებს, ხოლო აპლიკაცია მას უკარნახებს, თუ რამდენი მეტრითაა დაშორებული მისგან დაკარგული ნივთი.

ამ აპლიკაციამ შესაძლოა, ძველი თამაში გაგახსენოთ, რომლის კონცეფცია შემდეგია - დამალული ნივთის ძიებისას მოწინააღმდეგე გკარნახობთ, ახლოს ხართ თუ არა მიზანთან. თამაშს "ცივა-ცხელას" სახელით იცნობენ.