ნაპოლეონი კავკასიელი იყო

სენსაციური დასკვნა, რომელსაც ფრანგი გენეტიკოსი ავრცელებს, ფრანგულ გაზეთში დაიბეჭდა. იმპერატორის დნმ-ის ნიმუშებზე დაყრდნობით, ჟერარ ლიუკოტი აცხადებს, რომ ნაპოლეონ ბონაპარტის წინაპრები, შესაძლოა, კავკასიელები ყოფილიყვნენ. ამის შესახებ ფრანგული "ფიგარო" წერს.

მეცნიერი სამი წლის განმავლობაში ნაპოლეონის დედის და მამის საგვარეულო ხაზს სწავლობდა, ჩაატარა ექსპერტიზა მის შთამომავლებზეც და შედეგად დაადგინა, რომ დე-ენ-ემის შემადგენლობა კავკასიურ გენებს ემთხვევა. დღემდე არსებობდა ვარაუდი, რომ ნაპოლეონის წინაპრები ახლო აღმოსავლეთიდან იყვნენ.