რატომ ჰქვია შავ ზღვას - შავი?
(ratom hqvia shav zgvas - shavi)
შავ ზღვას სხვადასხვა დროს სხვადასხვა სახელით მოიხსენიებდნენ. რატომ დაერქვა ახლანდელი სახელი, ამის შესახებ არსებობს რამოდენიმე ვერსია. ფიქრობენ, რომ შორეულ წარსულში მას ასე უწოდებდნენ მარმარილოს ზღვასთან შედარებით უფრო მუქი ფერის გამო. არის სხვა მოსაზრებაც: ჩვენს ერამდე პირველ ათასწლეულში აზოვის ზღვის აღმ. და ჩრდ. ნაპირებზე სახლობდნენ ინდური წარმოშობის ტომები - მეოტები და სინდები, რომლებიც ამ ზღვას უწოდებდნენ თემარუნს, რაც შავ ზღვას ნიშნავს. სკვითებმა მას აქშაენი ანუ მუქი ზღვა უწოდეს. ხეთები ცალფას ზღვას უწოდებდნენ, ასურიელები დიდ ზღვას. XIV-XV ს-დან სახელწოდება შავი ზღვა საყოველთაო გახდა. ძველი გეოგრაფი სტრაბონი მოიხსენიებს კოლხიდის ზღვად. ძველი წელთაღრიცხვის VI-Vსაუკუნეებში შავ ზღვას ბერძენი ზღვაოსნები უწოდებდნენ პონტოს აქსიონს, რაც არასტუმართმოყვარე ზღვას ნიშნავს. ბერძენი კოლონიზატორების შვი ზღვის სანაპიროზე დასახლების შემდეგ, მას პონტოს ევქსინიოსი უწოდეს, რაც სტუმართმოყვარე ზღვას ნიშნავს. XV საუკუნიდან თურქებმა ყარადენიზი (შავი ზღვა უწოდეს), რაც საბოლოოდ ყველა ენაში დამკვიდრდა.
(ratom hqvia shav zgvas - shavi)
შავ ზღვას სხვადასხვა დროს სხვადასხვა სახელით მოიხსენიებდნენ. რატომ დაერქვა ახლანდელი სახელი, ამის შესახებ არსებობს რამოდენიმე ვერსია. ფიქრობენ, რომ შორეულ წარსულში მას ასე უწოდებდნენ მარმარილოს ზღვასთან შედარებით უფრო მუქი ფერის გამო. არის სხვა მოსაზრებაც: ჩვენს ერამდე პირველ ათასწლეულში აზოვის ზღვის აღმ. და ჩრდ. ნაპირებზე სახლობდნენ ინდური წარმოშობის ტომები - მეოტები და სინდები, რომლებიც ამ ზღვას უწოდებდნენ თემარუნს, რაც შავ ზღვას ნიშნავს. სკვითებმა მას აქშაენი ანუ მუქი ზღვა უწოდეს. ხეთები ცალფას ზღვას უწოდებდნენ, ასურიელები დიდ ზღვას. XIV-XV ს-დან სახელწოდება შავი ზღვა საყოველთაო გახდა. ძველი გეოგრაფი სტრაბონი მოიხსენიებს კოლხიდის ზღვად. ძველი წელთაღრიცხვის VI-Vსაუკუნეებში შავ ზღვას ბერძენი ზღვაოსნები უწოდებდნენ პონტოს აქსიონს, რაც არასტუმართმოყვარე ზღვას ნიშნავს. ბერძენი კოლონიზატორების შვი ზღვის სანაპიროზე დასახლების შემდეგ, მას პონტოს ევქსინიოსი უწოდეს, რაც სტუმართმოყვარე ზღვას ნიშნავს. XV საუკუნიდან თურქებმა ყარადენიზი (შავი ზღვა უწოდეს), რაც საბოლოოდ ყველა ენაში დამკვიდრდა.