იოსებ სტალინის სახელმწიფო მუზეუმი (ქართლი)

იოსებ სტალინის სახელმწიფო მუზეუმი (ქართლი)

(Ioseb Stalinis saxelmwifo muzeumi - Qartli)

იოსებ სტალინის სახელმწიფო მუზეუმი მდებარეობს ქ. გორში, სადაც თავმოყრილია უნიკალური ექსპონატები: მემორიალური ნივთები, საჩუქრები, ფერწერული ტილოები, ფოტო-კინო დოკუმენტები და სხვა. აქვე დაცულია იმ ეპოქასთან დაკავშირებული უნიკალური ისტორიული მასალა, რომელშიც ცხოვრობდა და მოღვაწეობდა ი.ბ. სტალინი.

ი. ბ. სტალინის სახელმწიფო მუზეუმის კომპლექსის შემადგენლობაში შედის მემორიალური სახლი, ორსართულიანი საექსპოზიციო შენობა კოშკით და სტალინის პირადი ვაგონი.

ი.ბ. სტალინის სახელმწიფო მუზეუმის კომპლექსის საერთო ფართობია 3529.7 კვ/მ, მუზეუმის ფონდში ამჟამად 47045 ნივთიერი ექსპონატი, დოკუმენტი, მხატვრული ტილო და 12756 დამხმარე და სამუზეუმო მასალაა დაცული.

მუზეუმის მეოთხე დარბაზში მარმარილოს სვეტებს შორის თვალსაჩინო ადგილას მოთავსებულია ი.ბ. სტალინის გარდაცვალების შემდეგ აღებული ნიღაბი. ნიღაბი 1953 წლის 6 მარტს დილის 4 საათზე აუღია ცნობილ მოქანდაკეს მ. მანიზერს. ი.ბ. სტალინის ნიღაბის მოპირდაპირე კედელზე მოთავსებულია საბჭოთა კავშირის სახალხო მხატვრის უჩა ჯაფარიძის მხატვრული ტილო ი.ბ. სტალინი კუბოში.