შობის ვარსკვლავი
(shobis varskvlavi)
ჟამს სიცივისას შემოგარენში, სიცხეს უმეტეს რომ მისჩვეოდა
ოდენ სიცივეს, უფრო დაბლობში, ვიდრე გორაზე,
იშვა ყრმაი იგი სოფლისა დახსნად; გარეთ კი ქროდა,
ვითარი ძალუძს ქარს ზამთარში ქროლა უდაბნოდ.
ვეებერთელა ეჩვენებოდა მას ყველაფერი: მკერდი დედისა,
ორთქლი ყვითელი, ნესტოთგან ხართა აღმოფშვინული,
მოგვნი - ბალთაზარ, გასპარ, მელქიორ და ძრვენიც მათი, მუნ მიტანილი
და იყო იგი ოდენ წერტილი, წერტილი იგი ვარსკვლავი იყო.
გულმოდგინებით, დაუფახველად თხელი ღრუბლითგან
ყრმას, მწოლიარეს იმა ბაგაში, სიშორეთიდან, სიღრმეთიდან სამყაროისა,
მისი მეორე ნაპირიდან ვარსკვლავი იგი სიღრმეში მღვიმის
დაჰქათქათებდა და იყო იგი მზერა მამისა.
(shobis varskvlavi)
ჟამს სიცივისას შემოგარენში, სიცხეს უმეტეს რომ მისჩვეოდა
ოდენ სიცივეს, უფრო დაბლობში, ვიდრე გორაზე,
იშვა ყრმაი იგი სოფლისა დახსნად; გარეთ კი ქროდა,
ვითარი ძალუძს ქარს ზამთარში ქროლა უდაბნოდ.
ვეებერთელა ეჩვენებოდა მას ყველაფერი: მკერდი დედისა,
ორთქლი ყვითელი, ნესტოთგან ხართა აღმოფშვინული,
მოგვნი - ბალთაზარ, გასპარ, მელქიორ და ძრვენიც მათი, მუნ მიტანილი
და იყო იგი ოდენ წერტილი, წერტილი იგი ვარსკვლავი იყო.
გულმოდგინებით, დაუფახველად თხელი ღრუბლითგან
ყრმას, მწოლიარეს იმა ბაგაში, სიშორეთიდან, სიღრმეთიდან სამყაროისა,
მისი მეორე ნაპირიდან ვარსკვლავი იგი სიღრმეში მღვიმის
დაჰქათქათებდა და იყო იგი მზერა მამისა.
თარგმანი რუსულიდან - ქეთევან ჯერვალიძე