ლორენსი დეივიდ ჰერბერტ - ღვთის სხეული

ღვთის სხეული
lorensi deivid herbert gvtis sxeuli
ღმერთი - სხეულის მაძიებელი უზარმაზარი ენერგიაა,
ენერგია მომლოდინე ხელახალი განსხეულების.

და ბოლო-ბოლო სახიერდება წითელ მიხაკში - აი ღმერთი.
და ბოლო-ბოლო გვევლინება ელენესა და ნინონის ხატად
ყველა მშვენებით აღსავსე ქალი - ხილული ღმერთია
და მამაკაცი სპეტაკი და შეუპოვარი - მითუმეტეს.


არაა ღმერთი,
ყაყაჩოების და მფრინავი თევზების,
მომღერალი მამაკაცებისა და მზის გულზე თმისმვარცხნელ ქალთა გარეშე
ყოველივე მშვენიერი ღმერთია.
და უნდა იცხოვროს ღმერთმა ჩვენს შორის
და დაგვშორდეს იესოსავით.
უხორცო მხოლოდ უძლურებაა.