საშველი არ ჩანს
(sashveli ar chans)
“ჭირსა შიგან”-ო აბა მითხარ,
რა ნუგეშია?
განწირული ვარ, აღარ მწყალობს
ბედი მზაკვრული.
მარტოსულივით მივუყვები
ცხოვრების შარას.
გაცრუებული იმედებით,
ჯვარზე გაკრული.
აუხდენელი ოცნებების
ცეცხლი მაწამებს.
და ეს კირთება,მხრებზე მაწევს
მძიმე ლოდივით.
ზოგჯერ,ყველაფერს თვალს ვარიდებ,
რომ არ დავღალო,
გონება – ფიქრით, სული – ჯვარცმით,
გული – ლოდინით.
რწმენის სიმტკიცე
შემოდგომის თოვლივით გაქრა.
ყავლგასულია
მოლოდინიც,ლოდინის გამო.
მითხარი,დრომან
უსაშველო ისეთი რა ქნა?
რომ ღირდეს,მისთვის
დავიძახო -”შეჩერდი წამო!..”
ასწლეულები
ფეხ-აკრეფით მიდიან ნელა…
უძღებ მადით და
შიმშილისგან გამომხმარ კუჭით.
ქვესკნელის დარად,
მზისქვეშეთშიც საოცრად ბნელა
და მილიონებს,
არსებობა ისევე უჭირთ…
ერის ღირსება
საჩინოა,გავიგებთ როცა -
ვის აღიარებს ერისკაცად,
რაინდს თუ ლაჩარს?
როგორც არ უნდა
გაამართლო თამაში დროსთან,
ბოლოს შენც იტყვი
სინანულით – “საშველი არ ჩანს!”
(sashveli ar chans)
“ჭირსა შიგან”-ო აბა მითხარ,
რა ნუგეშია?
განწირული ვარ, აღარ მწყალობს
ბედი მზაკვრული.
მარტოსულივით მივუყვები
ცხოვრების შარას.
გაცრუებული იმედებით,
ჯვარზე გაკრული.
აუხდენელი ოცნებების
ცეცხლი მაწამებს.
და ეს კირთება,მხრებზე მაწევს
მძიმე ლოდივით.
ზოგჯერ,ყველაფერს თვალს ვარიდებ,
რომ არ დავღალო,
გონება – ფიქრით, სული – ჯვარცმით,
გული – ლოდინით.
რწმენის სიმტკიცე
შემოდგომის თოვლივით გაქრა.
ყავლგასულია
მოლოდინიც,ლოდინის გამო.
მითხარი,დრომან
უსაშველო ისეთი რა ქნა?
რომ ღირდეს,მისთვის
დავიძახო -”შეჩერდი წამო!..”
ასწლეულები
ფეხ-აკრეფით მიდიან ნელა…
უძღებ მადით და
შიმშილისგან გამომხმარ კუჭით.
ქვესკნელის დარად,
მზისქვეშეთშიც საოცრად ბნელა
და მილიონებს,
არსებობა ისევე უჭირთ…
ერის ღირსება
საჩინოა,გავიგებთ როცა -
ვის აღიარებს ერისკაცად,
რაინდს თუ ლაჩარს?
როგორც არ უნდა
გაამართლო თამაში დროსთან,
ბოლოს შენც იტყვი
სინანულით – “საშველი არ ჩანს!”