გიორგი დვალი - Giorgi Dvali

ერთხელ სიზმარში

(ertxel sizmarshi)

ერთხელ ნიძლავი დავდე ღმერთებთან,
მართალს არ ვამბობ–გიყვები სიზმარს.
მითხრეს–უბრალო მოკვდავი ხარ და
ჩვენთან ჭიდილი შეგამთხვევს ხიფათს.
სანაძლეოდ კი ყიო ქალმღერთის
სასიყვარულო,პირველი კოცნა,
ჩამქიქილებდნენ ირონიულად
–ჩვენს შემდეგ,რიგში მოგიწევს მოცდა.
რა არ ვიღონე ვინ აღარ ვსძლიე
მთები ზედ მხრებზე შემოვილეწე,
მშვილდსა და ფარ–შუბს მარჯვედ ვხმარობდი
თან ვაკეთებდი ილეთს ილეთზე.
ჰო და როდესაც ასპარეზობა
მიუახლოვდა თავის დასასრულს,
ე, სწორედ მაშინ გამომეღვიძა
თმააბურძგნულს და სახე გაბადრულს.
სიზმრის რა გითხრა, მაგრამ აქ ცხადში
შენა ხარ ჩემთვის ის ერთედერთი,
ვისთვისაც ბრძოლას ვერვინ მომიგებს
ვერცა ეშმაკი და ვერცა ღმერთი.