გიორგი დვალი - Giorgi Dvali

მარადიული კითხვა

(maradiuli kitxva)

ვინ გვსჯის–ღმერთი თუ სატანა?
რომელი გვიდგენს ცოდვას?
„რისი არ უწევს ატანა
ადამიანის მოდგმას“.

თუ ტრფობის ფარდაგს დავაგებთ,
ანდა გავკიცხავთ მავანთ;
შევცოდავთ?–ღმერთთან წავაგებთ
ეშმაკს კი ვაბარებთ „თავანს“.

ანდა რას ნიშნავს გამოთქმა,
ვამბობთ–„ტკბილია ცოდვა“
თუ მართლის გვინდა წარმოთქმა,
რატომ წააგავს ბოდვას?

რანი ვართ ადამიანნი,
ჩვენი რაშია არსი?
რწმენაა–ანდამატიანი
მორჩილება კი ფარსი.

ღმერთო შეგვინდე ურჩებს,
ჩამოგვაშორე ეშმას……
ისე, შენ ხომ არ ურჩევ ურჩევ
მას–ჩვენ ცოდვებში „შებმას“?