მე შენ მახსოვხარ ...
irma malacidze - me shen maxsovxar
მე შენ მახსოვხარ,
თუმც აღარ მახსოვს სახელი შენი...
ვერც ხმას ვიგონებ,
იქნებ არც მზერით აღარ მახსოვდე,
დამვიწყებია ის თვალისფერი,
სუნთქვა, ღიმილი
და მხოლოდ სულით იმ მშვენიერით
დაგიმახსოვრე...
მე შენ მიყვარდი,
თუმცა არ ვიცი, რისთვის ან რატომ
მე შენ მოგელი...
თუმცა არ ვიცი, მოხვალ კი ოდეს?
განა იქნება, რომ ოცნება
ნასათუთევი,
დაუმთავრებლად და უსასრულოდ
ასე მტკიოდეს?
მე შენ არ გიცნობ...
არც ის ვიცი, სად გიდევს ბინა,
და მოგონების კიდობანი
ჯერ ვერ გავავსე,
მე გეკითხები _
ვინა ხარ, რა ხარ,
ანდა საიდან,
ანდა საერთოდ _
ხარ კი მოსული ამ ქვეყანაზე?
irma malacidze - me shen maxsovxar
მე შენ მახსოვხარ,
თუმც აღარ მახსოვს სახელი შენი...
ვერც ხმას ვიგონებ,
იქნებ არც მზერით აღარ მახსოვდე,
დამვიწყებია ის თვალისფერი,
სუნთქვა, ღიმილი
და მხოლოდ სულით იმ მშვენიერით
დაგიმახსოვრე...
მე შენ მიყვარდი,
თუმცა არ ვიცი, რისთვის ან რატომ
მე შენ მოგელი...
თუმცა არ ვიცი, მოხვალ კი ოდეს?
განა იქნება, რომ ოცნება
ნასათუთევი,
დაუმთავრებლად და უსასრულოდ
ასე მტკიოდეს?
მე შენ არ გიცნობ...
არც ის ვიცი, სად გიდევს ბინა,
და მოგონების კიდობანი
ჯერ ვერ გავავსე,
მე გეკითხები _
ვინა ხარ, რა ხარ,
ანდა საიდან,
ანდა საერთოდ _
ხარ კი მოსული ამ ქვეყანაზე?