გალაკტიონ ტაბიძე ( აქ ხილულ ოცნებას ) " ლექსების კრებულიდან "

galaqtion tabidze galaktion tabidze aq xilul ocnebas
აქ ხილულ ოცნებას
თან სდევენ ჯადონი, თოლია ქორსა ცვლის, არწივს - იადონი.
ორ საწყისს ინახავს
ახალი ათონი, -
აქ გული მონაა
და თანაც ბატონი.
აქ მუხა შრიალებს, იქ ზეთისხილია,
თუ ზღვის და ზღვის პირის
მძაფრი ჭიდილია -
გზნებასთან მზის ჩასვლის
ჰყვავის იდილია, -
აქ გული მონაა
და თანაც ბატონი.
უწესო აყრუებს
უბადლო ზრდილობას.
ბუკის ხმა ზღვის პირას
თუ იწვევს ყრილობას, მეომარს ჩონგური
უამებს ჭრილობას, -
აქ გული მონაა
და თანაც ბატონი.
ომსა ცვლის მშვიდობა
და ნგრევას - შენება, სიტლანქეს სულისას
ცგლის სულის მძვენება, წყალს - ღვინო, დღეს
სიცხადეს - ჩვენება, -
აქ გული მონაა
და თანაც ბატონი...

1956