ბავშვი ვისიც უნდა იყოს, ჩემთვის განურჩეველია; ვიცი, მისი ნორჩი გული სიყვარულის მფრქვეველია.
შიო მღვიმელი
ბავშვის აღმზრდელი ახალგაზრდა კაცი უნდა იყოს: იმდენად ახალგაზრდა, რამდენადაც ეს შეეფერება ჭკუით დადინჯებულ ადამიანს. კარგი იქნებოდა აღმზრდელი თითონაც ბავშვი ყოფილიყო, შეძლებოდა თავის აღზრდილთან დაამხანაგება და მის გართობაში მონაწილეობით მისი ნდობის დამსახურება.
ჟ.-ჟ.რუსო
ბატონებო, სწავლა სტუმარია და ჭკუა - მასპინძელი; სტუმარი მოვა და ისევ წავა, თუ მასპინძელი შინ არ დახვდა.
პეტრე დადიანი
ბედი ჩვენი საქმეების მხოლოდ ნახევარს განაგებს, მეორე ნახევარს კი იგი ადამიანებს ანდობს.
მაკიაველი
ბებერი აზრი, ბებერი ჩვეულება, ბებერი გრძნობა ჩვენს ცხოვრებაში ძალიან ბევრია და ძალიან დიდხანს ცოცხლობენ.. ან რა დაშავდება ვითომ იმით, რომ სტუმარს ღვინო, ან არაყი არ დავალევინოთ?! არაფერი, სრულიად არაფერი, პირიქით, დიდი სიკეთეც არი, როგორც მასპინძლისა, ისე სტუმრისათვის. გარდა იმისა ზედმეტ ხარჯსა და ტანჯვას ასცდება ორივე, - გაიგებენ ერთი მეორის სიტყვას, შაეძლებათ დარბაისლური მსჯელობა, დალაგებული მასლაათი. მთვრალი კაცი კი ნახევრად გიჟია.
ვაჟა-ფშაველა