ცისარტყელას ჰგავს მოვლინება შენი ამქვეყნად

ცისარტყელას ჰგავს მოვლინება შენი ამქვეყნად
და ლიმონისფერ არშიებში ჩაცმულ ნარცისებს.
სურნელი-თითქოს მთელ სხეულზე იები წვანან,
სევდით თვალები მაგონებენ ღრუბლის ბალიშებს...
ვაი,ვაი - თუ სამუდამო ოცნებად დამრჩე...
ვაი,ვაი-თუ სიზმრებს იქით ვეღარ გიხილო,
ვაი,ვაი-თუ ვეღარ ვიგრძნო შენი სურნელი
და მიბინდებულ სამყაროში ეულად დავრჩე...
არა!არ მინდა დავივიწყო შენი ღიმილი,
შენი თვალები გულში ჩამრჩეს უხმო ნათებად...
არა!არ მინდა განმიახლდეს ძველი ტკივილი
ჩემს სულს და სხეულს დაუბრუნდეს ძველი წამება.....
არ მინდა-მკლავდეს მონატრება შენი თითების,
სუნთქვა მტოვებდეს მაგ ტუჩების მოუფერებლად
არ მინდა ჩემგან განშორებულ ოცნებას ჰგავდე,
შენზე ფიქრები გამიფრინდნენ ცაში მტრედებად...
არ მინდა შენი სიყვარული ტკივილად მექცეს
და ოცნებებმა ფრთაშეუსხამ ცნებად იარონ...
არ მინდა შენი უშენობით სისხლი გამიშრეს
და სისხლგამომქრალ,გამოფიტულ გვამად ვიარო........
ცისარტყელას ჰგავს მოვლინება შენი ამქვეყნად
და ლიმონისფერ არშიებში ჩაცმულ ნარცისებს.
სურნელი-თითქოს მთელ სხეულზე იები წვანან,
სევდით თვალები მაგონებენ ღრუბლის ბალიშებს...