ხელოვანი შემოქმედია მშვენიერის.
ვინც ლამაზ ნაწარმოებში ცუდ აზრებს ეძებს, თვითონვეა გარყვნილი და მიმზიდველობას მოკლებული.
ლამაზი ტყუილების თქმა – აი მიზანი ჭეშმარიტი ხელოვნებისა.
ღვინის ხარისხის და ხანის გასაგებად ხელადა ფსკერამდე არ უნდა დაცალო.
ყველაზე საზიანო ჯანმრთელობისათვის არის ბევრი ფიქრი. ამისაგან შეიძლება მოკვდე, როგორც ყოველი ავადმყოფობისაგან.
უყურო საგანს, ეს სულაც არ არის ის, რომ დაინახო იგი. რომ დაინახო რომელიმე საგანი, უნდა უპირველესად მისი სილამაზე დაინახო.
პარადოქსების გზა მიდის ჭეშმარიტებისაკენ.
ადამიანები მეტად ლმობიერნი არიან, ისინი მზად არიან ყველაფერი შეიწყნარონ, გარდა გენიისა.
ყველა ქალი ცდილობს მამაკაცი კეთილი მოქმედების გზაზე დააყენოს. მაგრამ როცა მათი კეთილი სურვილის თანახმად კეთილისმოქმედნი ვხდებით, მათ აღარ ვუყვარვართ.
ჩვენ ყველანი ორმოებში ვართ, მაგრამ ზოგი ჩვენგანი იქიდან მაინც ჭვრეტს ვარსკვლავიან ცას.
გათხოვილი ქალის ერთგულებაზე უმაღლესი არა არის რა, ვერც ერთი ცოლიანი კაცი ვერ ავა ამ სიმაღლეზე.
ვის ვუწოდებთ ცინიკოსს?! ადამიანს, რომელმაც იცის ყველაფრის ფასი, მაგრამ არაფერს არავითარ ღირებულებას არ აძლევს.
რა სამწუხაროა, რომ ჩვენ მეტისმეტად გვიან ვსარგებლობთ ცხოვრებისაგან მოცემული გაკვეთილებით.
არაფერი არ აზიანებს სასიყვარულო კავშირს ისე, როგორც იუმორის გრძნობა ქალში და უმისობა მამაკაცში.
ქალებს ჩვენ ვუყვარვართ ჩვენი ნაკლოვანებების გამო.
მამაკაცს ყოველთვის უნდა ქალის პირველი სიყვარული იყოს. ქალები კი შორსმჭვრეტელნი არიან და სურთ იყონ მამაკაცის უკანასკნელი ვნების საგანი.
მოწყენილობა არის სერიოზულობის ნაკლებობა.
ოსკარ ვაილდი - Oscar Wilde
⏱️ 1 წთ.
👁️ 3
100%