ზანგური ბესო - წვიმს

წვიმს...და პირველად არ მეფიქრები
არც ეს რიგები ჭადართა მხიბლავს
ფიქრს მივეჩვიე და სინანული
გაგიკვირდება და აღარ მიყვარს...

თოვს...და პირველად არ მეფიფქები
სევდის საფარი გულის კარს იცავს
გადაგეჩვიე და მოგონებაც
ნუ გაგაოცებს მივეცი სიზმარს...

ქრის...და ღრუბლები ზეციდან ზღვაში
ვნების საკლავად ღამით ჩასულან
და ტკივილების ფოთოლცვენაში
ჩემი გრძნობები ცაში ასულან.

ვერ შეველიე მხოლოდ დილის ნამს......
ამიტომ ვერცერთ კარს ვერ დავხურავ
ხარ განაჩენი ჩემი ცხოვრების
დარაბებს სუნთქვის სანამ დავხურავ