დეკანოზი თავმას ჩოხელი - თუშეთი

ცას მოწყვეტილო ვარსკვლავო,
ქალავ,ხშირნაწნავიანო,
თუშეთს ნაქსოვო ფარდაგო,
ჭრელ–ჭრულა ყოილიანო.
ალაზნის ველზე ხოხობო,
ლამაზო,ფერადიანო,
შავი კლდის თავზე ნისლებო,
ბორბალოვ,ქარებიანო.
იმღერდნენ თუშის ქალები,
გარმონნი აჰყვებიანო,
გაფრინდაულის ნახმლევო,
ბახტრიონს მტერო ტიალო.
უბელო ცხენთა ჭენება,
კლდეზე ბილიკო ფრიალო,
სამშობლოს მოჭირნახულევ,
მანძილთა ხარო რქიანო.
ღამისფერ ნაბადიანო,
მწყემსო,სალამურხმიანო,
ცხვარო გაშლილო თეოზე,
ძაღლებო,ყელჩანგლიანო.
ღამენათევი სანთლები,
ალავერდს ენთებიანო,
დაილოცენით თუშებო,
სტუმრიან მასპინძლიანო.

(დეკანოზი თავმას ჩოხელი).