აქ მესხები შემოსულან თურმე,
მეც ნაკვალევს დავეძებდი მესხთა...
გზაზე ვიღაც მიუყვება ურემს,
მთვარის შუქში განაბულა მცხეთა.
არსაკიძე... პომპეუსი... აზო...
ნეტავი რამ გამახსენა ერთად...
ფარნავაზი დღესაც ფარნავაზობს,
თუმცა არმაზს აღარ თვლიან ღმერთად.
აქ ღვთისმშობელს ,,დაუდვია" ბინა,
ისმის წყნარი შარიშური ხეთა,
გაცს და გაიმს აღმერთებდნენ წინათ,
დღეს ქრისტეს კვართს ეფერება მცხეთა.
ღმერთო ჩემო, როგორ მიყვარს ქართლი,
ზედაზენი მზის სხივივით მათბობს...
შევცოდავ და, ფარნავაზის ხათრით,
მეც კერპივით გაგაღმერთებ ქართლო.
ზედაზენი მზის სხივივით მათბობს...
შევცოდავ და, ფარნავაზის ხათრით,
მეც კერპივით გაგაღმერთებ ქართლო.
დათო ახლოური