უილიამ შექსპირი

შენს დასამალად თავშესაფარს დიდხანს ვეძებდი
მკერდში დაგმალე, სანდო სკივრად სხვა რა ვინატრო,
შიგ ხან ნებივრობ, ხან წახვალ და გადიხვეწები,
ან იქნებ ვცდები და ჩემს გულში არც კი ბინადრობ.
მოგიპარავენ... მე ხომ ვიცი ქვეყნად რა ხდება
შენ თუ გიხილა ანგელოზიც ქურდი გახდება,
ერთად წამართვი ყველა გრძნობა თუ კი გწადია..
ამითი მაინც არაფერი შეგემატება...
წაურთმევლადაც შენი არის რაც მაბადია,
რადგან მთლიანდ შენ გეკუთვნი ჩემო ხატებავ!
თუ სიყვარულმა გიკარნახა ჩემი გაძარცვა,
მადლობას გეტყვი - სულში ასე, რომ ითარეშე...
მაგრამ ვაი! თუ თავს ვიტყუებ ტრფობის ტაძართან
და სულს მიქურდავ ჭეშმარიტი გრძნობის გარეშე.
მთავარია, რომ ქვეყნად არსებობ,
ვისი ხარ?- ეგ რა ჩემი საქმეა...

უილიამ შექსპირი, თარგმანი რეზო თაბუკაშვილის