სიყვარულს ეძებს ჭრელი ქვეყანა
თან სათნოებას ტოვებს ქუჩაში
ორპირია და მართლა ფლიდია
სარკეში, შენი ურცხვი ნიღაბი
ადამიანად ყოფნა რთულია
კეთილშობილად ათასჯერ ძნელი
არ დაემსგავსო მთვარეს რომელსაც
ნათელთან ერთად თან ახლავს ბნელი...
ბოროტების და კეთილ საწყისთა
სათავე იქნებ ქალია მართლა
საკუთარ თავს თუ იპოვი მასში
აღარ მოგიწევს ტკივილის დათვლა.
...................................................
ქალი სუნთქვაა სამყაროს არსი
ამქვეყნიური, ღმერთი პატარა
გახსოვს ის ქალი, რომ შეგიყვარდა
ოცნებით ზეცა შემოგატარა...
დაჯირითობდი ღრუბლებთან ერთად
და ოკეანეც გადაგაცურა
შენთან რომ იყო ის დალოცვილი
თავს გრძნობდი თითქოს უფრო დაცულად
...............................................................
მერე დაიმსხვრა ყველა ვარსკვლავი
მთვარეც ჩაქრა და აღარ ანათებს
სახეშეშლილი ცივ სამყაროში
შენთვის აგორებ დროის კამათლებს...
საკუთარ თავის ფსკერზე ეშვები
ვერ დაიტიე უბრალოდ ქალი
და ხელში შეგრჩა (ცხოვრება არა)
უფრო ცხოვრების გადანათალი
...................................................
სიყვარულს ეძებს ჭრელი ქვეყანა
თან სათნოებას ტოვებს ქუჩაში
ორპირია და მართლა ფლიდია
სარკეში, შენი ურცხვი ნიღაბი
/ბადიშ ხურსილი/
თან სათნოებას ტოვებს ქუჩაში
ორპირია და მართლა ფლიდია
სარკეში, შენი ურცხვი ნიღაბი
ადამიანად ყოფნა რთულია
კეთილშობილად ათასჯერ ძნელი
არ დაემსგავსო მთვარეს რომელსაც
ნათელთან ერთად თან ახლავს ბნელი...
ბოროტების და კეთილ საწყისთა
სათავე იქნებ ქალია მართლა
საკუთარ თავს თუ იპოვი მასში
აღარ მოგიწევს ტკივილის დათვლა.
...................................................
ქალი სუნთქვაა სამყაროს არსი
ამქვეყნიური, ღმერთი პატარა
გახსოვს ის ქალი, რომ შეგიყვარდა
ოცნებით ზეცა შემოგატარა...
დაჯირითობდი ღრუბლებთან ერთად
და ოკეანეც გადაგაცურა
შენთან რომ იყო ის დალოცვილი
თავს გრძნობდი თითქოს უფრო დაცულად
...............................................................
მერე დაიმსხვრა ყველა ვარსკვლავი
მთვარეც ჩაქრა და აღარ ანათებს
სახეშეშლილი ცივ სამყაროში
შენთვის აგორებ დროის კამათლებს...
საკუთარ თავის ფსკერზე ეშვები
ვერ დაიტიე უბრალოდ ქალი
და ხელში შეგრჩა (ცხოვრება არა)
უფრო ცხოვრების გადანათალი
...................................................
სიყვარულს ეძებს ჭრელი ქვეყანა
თან სათნოებას ტოვებს ქუჩაში
ორპირია და მართლა ფლიდია
სარკეში, შენი ურცხვი ნიღაბი
/ბადიშ ხურსილი/