შალვა ლონდარიძე - შენთან დავბერდები ...

შენთან დავბერდები...

მე თუ დავბერდები, შენთან დავბერდები
და იმ სიჭაბუკეს აღარც მოვიგონებ,
შენი ნაოჭები წლებით ნაგროვები,
ისიც ჩემი იყოს, ამას მოვინდომებ...

ნეტავ, შენი სუნთქვა საით დაუბერავს,
მე რომ ჩემი სული სიოს გავატანო,
შენ ხარ სიყვარულის ღმერთით ის დინება,
ბალახს თუ მოსწყურდა, ისიც გაახარო.

შენთან მოვხუცდები, შენთან მოვცუცქდები...
როგორც ბავშვის ნატვრა... ისე მოგინდომებ...
ბედი ფეხაკრეფით გვერდზე რომ გამივლის,
ამას დაგპირდები, იქაც მოგიგონებ...

და ამ რუდუნებას უკვე დაუჯერა
სიზმრის ანგელოზმა, ახლაც რომ გდარაჯობს,
მინდა, შენ იცოდე, ჩემო, უკვდავებავ...
წამი გაილევა? წუთი შენ გფარაჯობს...

შალვა ლონდარიძე