დიკა სალაყაია - დედა

დედა

გინდა მოგითბო და მოგეფერო,
მხრებზე დაგაფინო თმები,
გინდა მოგიყვე და წაგაკითხო,
შენზე დაწერილი ლექსი...

გინდა ბავშვობანა გავიხსენოთ,
მე ფერხთ ჩავიცვა შენი,
თავშალი კაბად გავიკრა და
ვიცეკვო უსასრულოდ დედი...

გინდა აკაციებს დავეკიდო,
ენძელა დავხატო შენთვის,
თავი ჩაგიდო კალთაში და
ასე გავიტრუნო დედი...

დილით ალიონზე გაგაღვიძო,
ხატებს ვემთხვიოთთქო დედი,
მერე მთელი დილა შემოვზიდოთ
ტყემლის ყვავილები თეთრი...

გინდა მოგითბო და მოგეფერო,
მხრებზე დაგაფინო თმები,
გინდა მოგიყვე და წაგაკითხო,
შნზე დაწერილი ლექსი...

დიკა სალაყაია