მოდი, გაზაფხულო, მოდი!
ერთად შევიშალოთ, მინდა,
ახლა დრო არ არის მოცდის,
გუშინ მე ზამთარი მჭირდა.
სულში ჩავისახლოთ ჯერ მზე,
მერე ავირიოთ მარტში,
წვიმა შევიმშრალოთ მკერდზე,
თმები გავიწეწოთ ქარში.
მშვიდად როგორ ვნახავ ნეტავ
ასე გულისწამსვლელ ფერებს,
ლურჯად მოლივლივე ზეცას,
თეთრად გადაპენტილ ხეებს.
მოდი, გაზაფხულო, მოდი!
ერთად შევიშალოთ, მინდა,
აღარ გავიხსენებ ლოდინს,
ვიცი, ამ სიგიჟედ ღირდა.
ნინო ალადაშვილი
ერთად შევიშალოთ, მინდა,
ახლა დრო არ არის მოცდის,
გუშინ მე ზამთარი მჭირდა.
სულში ჩავისახლოთ ჯერ მზე,
მერე ავირიოთ მარტში,
წვიმა შევიმშრალოთ მკერდზე,
თმები გავიწეწოთ ქარში.
მშვიდად როგორ ვნახავ ნეტავ
ასე გულისწამსვლელ ფერებს,
ლურჯად მოლივლივე ზეცას,
თეთრად გადაპენტილ ხეებს.
მოდი, გაზაფხულო, მოდი!
ერთად შევიშალოთ, მინდა,
აღარ გავიხსენებ ლოდინს,
ვიცი, ამ სიგიჟედ ღირდა.
ნინო ალადაშვილი