მე აფეთქება კვირტების არ მწამს,
მწამს აფეთქება უცნობი ძარღვის...
ზეცნობიერი ჯიუტად მტანჯავს...
ქვეცნობიერის შეცნობაც დამღლის..!
მე მომავალი უმიზნოდ არ მწამს,
მწამს ოცნებების მიზნებად ქცევა...
პატარა წვეთი მე წყაროდ არ მწამს,
მწამს ნაკადულის ზღვად მი-მო-ქცევა...!
იქნება ახლა,ამ მონოლოგით
ვაუფასურებ ამ წუთს და ამ წამს?!...
სხვისი სიცოცხლე როცა სრულდება,
ჩემი სიცოცხლე მე ჩემად არ მწამს...!!
მადონა ჭრელაშვილი
" არ მწამს ... "
⏱️ 1 წთ.
👁️ 7
100%