სული მეყინება ვატყობ,
თითქოს ლახვარს მცემენ ფერდში.
მარტომ მე რა შევძლო, ღმერთო,
თუ შენ არ მედექი გვერდში.
თითქოს არაფერი მესმის,
თითქოს სატყუარებს ვერ ვთმობ.
შენთან მე რა სიტყვა მეთქმის,
როცა მე დაგტოვე ღმერთო...
ყველგან თავს ვიჭერდი ზევით,
ყველგან თავს ვაჩენდი მართლად.
ძველი შეცდომები მტკივა,
როცა ცოდვებს ვხედავ ნათლად.
თითქოს ვერ ვხედავდი უფსკრულს,
ხიდზე დავდიოდი ბეწვის.
რაც შენ გაწყენინე ღმერთო,
ყველა შეცოდება მეწვის.
უკვე დავიმძიმე სული,
ალბათ გვიანია გლოვა.
მანდ ნუ გამიმეტებ ღმერთო,
როცა სამსჯავროზე მოვალ...
/ბაქარი ხუტაშვილი/
ბაქარი ხუტაშვილი - სული მეყინება...
⏱️ 1 წთ.
👁️ 3
100%