ქეთი ალასანია - მე ანგელოზი სულაც არა ვარ

მე ანგელოზი სულაც არა ვარ,
უცოდველობას ნუ დამაბრალებ,
წმინდა სამოსი არ მომიხდება,
იმას რაც არ, ვარ ნუ შემადარებ,
ჩემთვის ყოველ წამს თავის ხიბლი აქვს,
რაც არ მჭირდება, წარსულს ვაბარებ,
ჩემი სიცოცხლე იმ მდინარეს ჰგავს,
მთელი ცხოვრება ქვებს რომ ატარებს,
თავისუფლება ჩემი ხიბლია
და მას ხელბორკილს არ გავაკარებ,
დიდხანს არ ვტოვებ ჩემში ტკივილებს,
გულით, სიცოცხლის, ღიმილს ვატარებ,
ვერ ამომიცნობ, მე საიდუმლო,
ჩემი ცხოვრების, გულში დავმალე,
მე ცოდვილი ვარ და ანგელოზის,
უცოდველობას, ნუ დამაბრალებ...

ქეთი ალასანია

04.04.15.