წერეთელი აკაკი - Tsereteli Akaki

⏱️ 1 წთ. 👁️ 3

100%

გორი

(Gori)

(მესტვირული)

გორო, ქართლის შუაგულო

მეთაურო ქართლისაო,

ადრე ღირსად წამებულო,

დღესაც მთქმელო მართლისაო!

ძირს გორის-ჯვარი დაგყურებს,

მაღლით თვალი უფლისაო,

ერთგულო და საიმედო

წილხვედრის ღვთისმშობლისაო!

ძველად მისთვის სისხლის მღვრელო.

დღეს ცრემლის და ოფლისაო;

ტყვის დამხსნელად მონამზადო,

საიმედოვ ობლისაო!

გამხნევდი, გაგვილომგულდი,

მუხლი მოიბი მგლისაო,

გაჰკაფე, გადაიარე

გრძელი გზა მომავლისაო.

დასთესე თესლი კეთილი,

შესარგო მამულისაო,

და ნახავ ნამგლის ტრიალსა

“ჰოპუნით” მომკელისაო.

1884 წ.

უკან დაბრუნება

(აკაკი წერეთლის შემოქმედება)

Facebook

წერეთელი აკაკი - Tsereteli Akaki

დატოვე კომენტარი

გაუზიარე აზრი სხვებს!