მწვანე მთვარე
ვერ მისწვდომია
ზღმარტლის ყვავილს შანელის ყნოსვა
ღამის არომატს
ხევის ქარი ხარბად წუწნიდა
მარადისაობა შუბლს მილოკავს
ისე ახლოს ვარ. . .
სხეულს სუნი სდის
დაყოლილი დედის მუცლიდან
ამ ყველაფერთან
პირდაპირი მქონდა კავშირი
უმადურს, მაინც, ბევრ რამეზე
გული წყდებოდა
წვეთავდა მთვარე
დაბეჟილი უმი ვაშლივით
ქალი სიზმარში ბორგავდა და ინერწყვებოდა.
უსახურავო ქოხი მიდგას
ნაძვნარებს ქვემოთ
რომ აღმართულან უღრანები
ცოცხალ კედლებად
მძინავს, სიზმრებში ჩამყოლია
შამბნარის გემო
სიზმრის გუბეში, არეკლილ ცას
რა შეედრება.
ქალაქი ღამით.
ვერ მისწვდომია
ზღმარტლის ყვავილს შანელის ყნოსვა
ღამის არომატს
ხევის ქარი ხარბად წუწნიდა
მარადისაობა შუბლს მილოკავს
ისე ახლოს ვარ. . .
სხეულს სუნი სდის
დაყოლილი დედის მუცლიდან
ამ ყველაფერთან
პირდაპირი მქონდა კავშირი
უმადურს, მაინც, ბევრ რამეზე
გული წყდებოდა
წვეთავდა მთვარე
დაბეჟილი უმი ვაშლივით
ქალი სიზმარში ბორგავდა და ინერწყვებოდა.
უსახურავო ქოხი მიდგას
ნაძვნარებს ქვემოთ
რომ აღმართულან უღრანები
ცოცხალ კედლებად
მძინავს, სიზმრებში ჩამყოლია
შამბნარის გემო
სიზმრის გუბეში, არეკლილ ცას
რა შეედრება.
ქალაქი ღამით.