ბებო
შენი თეთრი თმა გადმომედო, ბებო,
შენი ძლიერი მაჯები და
სიცოცხლის ცისფერი მწკრივები.
არ მიწყინო, რომ გიმეორებ,
შენს ზღაპრებს რომ ვუყვები ჩემს თავს,
შენ რომ გთამაშობ ეზოში და
სადაც დიდი თუთის ხე იდგა
იქ რომ ვზივარ, კუნძზე და ვმღერი
იმ ძველ სიმღერას, თმის ყველა ღერი
რომ გამითეთრა
და ახლა მის რიტმს
შენს მაჯისცემას რომ ვადარებ
ბებო, ნუ მიწყენ..
შენმა თავსაფარმა რომ გამიხუნა მხრები,
და მკლავებზე მათოვს
სამურაბე ვარდის ფოთოლი,
შენი სახლის ფანჯრებიდან რომ ვიყურები,
გზას რომ გავცქერი ჩემივე თავის მოლოდინში
და შენი ხელით
თვალებს ვიჩრდილავ..
ბებო,
გადმომედო შენი დღეები და ღამეები,
და ხავსიან კუნძზე ვზივარ ძველი ჩრდილის ქვეშ,
და ყველა შენი შვილი მე გადმომედო,
და ყველა შენი შვილიშვილი მე გადმომედო,
და იმათი და იმათი და იმათი შვილთაშვილები…
და გავბევრდი და გავდიდდი
და კიდევ უფრო მეტი გავხდი,
ვიდრე კუნძები,
ვიდრე ჩრდილები,
ვიდრე ფანჯრები,
და სამურაბე ვარდის ფოთოლი,
ვიდრე შენი თმა.
და გევედრები
და გთხოვ -
ნუ მიწყენ .
შენი თეთრი თმა გადმომედო, ბებო,
შენი ძლიერი მაჯები და
სიცოცხლის ცისფერი მწკრივები.
არ მიწყინო, რომ გიმეორებ,
შენს ზღაპრებს რომ ვუყვები ჩემს თავს,
შენ რომ გთამაშობ ეზოში და
სადაც დიდი თუთის ხე იდგა
იქ რომ ვზივარ, კუნძზე და ვმღერი
იმ ძველ სიმღერას, თმის ყველა ღერი
რომ გამითეთრა
და ახლა მის რიტმს
შენს მაჯისცემას რომ ვადარებ
ბებო, ნუ მიწყენ..
შენმა თავსაფარმა რომ გამიხუნა მხრები,
და მკლავებზე მათოვს
სამურაბე ვარდის ფოთოლი,
შენი სახლის ფანჯრებიდან რომ ვიყურები,
გზას რომ გავცქერი ჩემივე თავის მოლოდინში
და შენი ხელით
თვალებს ვიჩრდილავ..
ბებო,
გადმომედო შენი დღეები და ღამეები,
და ხავსიან კუნძზე ვზივარ ძველი ჩრდილის ქვეშ,
და ყველა შენი შვილი მე გადმომედო,
და ყველა შენი შვილიშვილი მე გადმომედო,
და იმათი და იმათი და იმათი შვილთაშვილები…
და გავბევრდი და გავდიდდი
და კიდევ უფრო მეტი გავხდი,
ვიდრე კუნძები,
ვიდრე ჩრდილები,
ვიდრე ფანჯრები,
და სამურაბე ვარდის ფოთოლი,
ვიდრე შენი თმა.
და გევედრები
და გთხოვ -
ნუ მიწყენ .