დაეცნენ თმები
(daecnen tmebi)
დაეცნენ თმები
თავი გათავდა,
დარჩა სამყარო გადაპარსული,
თვალები დაობლდნენ,
დუმდნენ და დუმილში
მიაქანებდა მათ დასასრული.
იქცია გვერდი გვერდმა
და მარჯვენამ
ვეღარ იხილა მარცხენა ნაპირი,
მან იწყო დაშლა, დანაწევრება,
ნაწილებს წოვდა მიწა- ვამპირი.
ის იდგა, ადგა
და მერე ეგდო,
ეგდო, ვით მოწმე,რაღაც განვლილის.
აღარ ახსოვდა, რომ თვითონ იყო
ის მონაწილე ამ სინამდვილის.
არ იყო მძიმე სხეული მისი,
არც ჰორიზონტი არ იყო შორი...
და ვერ გაიგო,
ვინ იყო, რისთვის,
ამ მიმობნეულ
ნაწილებს შორის.
1999
(daecnen tmebi)
დაეცნენ თმები
თავი გათავდა,
დარჩა სამყარო გადაპარსული,
თვალები დაობლდნენ,
დუმდნენ და დუმილში
მიაქანებდა მათ დასასრული.
იქცია გვერდი გვერდმა
და მარჯვენამ
ვეღარ იხილა მარცხენა ნაპირი,
მან იწყო დაშლა, დანაწევრება,
ნაწილებს წოვდა მიწა- ვამპირი.
ის იდგა, ადგა
და მერე ეგდო,
ეგდო, ვით მოწმე,რაღაც განვლილის.
აღარ ახსოვდა, რომ თვითონ იყო
ის მონაწილე ამ სინამდვილის.
არ იყო მძიმე სხეული მისი,
არც ჰორიზონტი არ იყო შორი...
და ვერ გაიგო,
ვინ იყო, რისთვის,
ამ მიმობნეულ
ნაწილებს შორის.
1999