გალაკტიონ ტაბიძე - Galaktion Tabidze
ხშირად ვოცნებობ და შევსცქერი ცას
(xshirad vocnebob da shevscqeri cas)
ხშირად ვოცნებობ
და შევსცქერი ცას,
ვეძებ უხილავს,
ვუცდი ვიღაცას.
მე ვმღერი მაშინ
და მთრთოლვარე ხმას
სევდით ვუერთებ
ჩამქრალ გულის თქმას!
ჩემს გულში ვეძებ
ვარსკვლავებს, მთვარეს,
მეგობრებს, სატრფოს
ეშხით მღელვარეს;
არ ანათებენ
ისინი ჩემს გულს,
არ-ღა მომფენენ
შვებას, სიხარულს.
ბნელდება მთვარე,
თრთის ვარსკვლავი ცის
და ძირს ეშვება
ოცნება სივრცის...
ხშირად ვოცნებობ და შევსცქერი ცას
(xshirad vocnebob da shevscqeri cas)
ხშირად ვოცნებობ
და შევსცქერი ცას,
ვეძებ უხილავს,
ვუცდი ვიღაცას.
მე ვმღერი მაშინ
და მთრთოლვარე ხმას
სევდით ვუერთებ
ჩამქრალ გულის თქმას!
ჩემს გულში ვეძებ
ვარსკვლავებს, მთვარეს,
მეგობრებს, სატრფოს
ეშხით მღელვარეს;
არ ანათებენ
ისინი ჩემს გულს,
არ-ღა მომფენენ
შვებას, სიხარულს.
ბნელდება მთვარე,
თრთის ვარსკვლავი ცის
და ძირს ეშვება
ოცნება სივრცის...