ჩემი ფიქრები (ჩანახატი)

სადღაც...ყველაზე ბნელი ქუჩის მიღმა...არაფრისგან შექმნილ სამყაროში განისვენებს ფიქრები ჩემი...
ფიქრების ბუნკერში კი ძველისძველი მოგონებებია ჩაკუჭული...
ხშირად ვიქექები ამ ბუნკერში და ვერც კი ვხვდები რას ვეძებ ზოგჯერ....
აღელვებული ვანაკუწებ მოგონებებს და უპოვნელ ფიქრებზე მწყდება გული...
მოღალატეები ირგვლივ...!
ყველანი ერთნაირები, ყალბი ღიმილითა და ყინულისფერი თვალებით....
ყველანი ჩემში შემოჭრას ლამობენ და ცდილობენ მტვრად აქციონ ჩემი არსება...
გრძნობებით მოწნულ გულს ამოვიცლი და ბუნკერში მოვისვრი თუ კი არ მომეშვება სევდა შავი მანტიით....
უსასრულოდ გაიჭიმება ღამის გლოვა.....
მთვარის უიმედობა უარესად ამიწეწავს განცდებს....
სანთლად ვაქცევ გულს და თავადვე მოვუკიდებ ცეცხლს!...
დამღლის არაფრისგან შექმნილი სამყარო.... დამღლის ემოციად დაღვრილი უემოციობა...და სიმწარედ ქცეული ღამის უსასრულობა...
მაგრამ რაც იწყება ყველაფერს აქვს დასასრული...
მეც მივანებებ ჩაკუჭულ მოგონებებში ქექვას თავს და თუ კი დავიღლები....თავადვე ჩამოვახევ ღამეს კალთას...!