გახსოვს პირველად სად მნახე???
ხო "სამარშუტო ტაქსში"... მახსოვს მაშტერდებოდი შენი ლამაზი ცისფერი თვალებით... ოხ როგორი ბავშური და საყვარელი მზერა გქონდა.. მახსოვს თვალს არ მაცილებდი... მე კიდე ნამცეცა, თავს უხერხულად ვგრძნობდი... ვფიქრობდი რა უნდა ამ "გაიძვერა" ბიჭს თავი დამანებოსთქო.. მეღიმებოდა შენ "ნუკრივით" უმანკო სახეს რო ვხედავდი და მეც ვმალავდი სახეს...
მეორე შეხვედრა გახსოვს???
მე კარგად... რადგან გავოგნდი ჩემ სკოლაში რომ დაგინახე... მაშინაც ის საყვარელი ბავშური მზერა გქონდა თვალს არ მაცილებდი... მე კიდე ახტაჯანა ყურებზე ვიდექი... დავრბოდი და ვითომცდა ყურადღებას არ გაქცევდი... არადა სულ მაინტერესებდა აქ როგორ აღმოჩნდი...
ვგრძნობდი გული როგორ მიფეთქავდა გვერდით რომ გამივლიდი.... არ ჩერდებოდა ეს მოღალატე... მარტო ჩემი გულის ბაგაბუგი მესმოდა და მეშინოდა არავის გაეგო ჩემ გარდა...
რამდენ ხანს გავაგრძელეთ ეს სულელური ბავშური ქცევები...
ასე ერთმანეთს ვუყურებდით და ვუყურებდით... არადა არც ერთს გვაკლდა არც ენა და არც გამბედაობა... ასე უსიტყვოდ შევციცინებდით ერთმანეთს ორი შტერი ბავშვი...
და ხმა რო ამოვიღეთ უკვე ორივე შეცვლილები ვიყავით... აღარც შენ გქონდა უმანკო მზერა და აღარც მე მიცემდა გული... ჩემი მზეარც შეცვლილი და თავხედური იყო... ერთმანეთისთვის უკვე უცხოები ვიყავით... აღარ მაინტერესებდა შენ თვალებში ჩახედვა და შენი გრძნობები... და შენც ასარჩევად გქონდა საქმე... ჩვენმა სიყვარულმა თუ შეიძლება ასე დავარქვათ დროს ვერ გაუძლო... ან ჩვენ არ ვივარგეთ ამ დიადი გრძნობისთვის...
არადა მჯერა ეს ნამდვილი უმანკო სიყვარული იყო... ერთი ნახვით აფეთქებული უმანკო გრძნობა... რომელიც გაზრდამ დაანგრია... მარტო გაზრდამ არა... სიამაყემ... ცუდმა მეგობრობამ და კიდევ ბევრმა სისულელემ...
და აი ჩნდება კითხვა...
ნუთუ ღირდა სიამაყე გაჩუმებად?? ნუთუ ღირდა ყალბი მეგობრები ამ დიდ სიყვარულად??
ეხლა ამდენი წლების მერე როცა ჭაღარა შემეპარა თმაში... და ჭკუა თავში, მივხვდი ეს ყველაფერი ამაოება იყო...
სიცილით და სიყვარულით მახსენდება ის დღეები... მართალია აღარაა ის დიდი, უმანკო და ნაზი გრძნობა, რომელსაც წამიერად დიდი ტკივილიც მოჰქონდა მაგრამ არის ტკბილი მოგონება... ტკბილი ბავშური მოგონება...
მეგობრებო არ დაკარგოთ ბავშურად სიყვარულის უნარი...
ეს ყველაზე გულწრფელი გრძნობა ყოველგავრი შემლახავი და გამაუფასურებელი რაღაცეების გარეშე...
როცა გიყვარს მაშინვე თქვი...
ნუ დაუწყებ ყურებას შორიდა...
ნუ იფიქრებ ვაი თუ ...
ვაი თუ...
მოიშორე ყოველგვარი ეჭვი მითუმეტეს მაშინ როცა მის თვალებში შენ თავს ხედავ...
სიყვარული ყველა ასაკს აქვს... გაუფრთხილდი ღირსეულ ადამიანს და ნუ შერყვნი გრძნობას ეჭვებით...
და ბოლოს ვიტყვი... სიყვარული სულგრძელი და კეთილია. სიყვარულს არ შურს, სიყვარული არ ტრაბახობს, არ ყოყოჩობს, უწესოდ არ იქცევა, თავისას არ ეძებს, არ ღიზიანდება და განაწყენებას არ ითვლის, უმართლობით არ ხარობს, არამედ ჭეშმარიტება ახარებს, ყველაფერს იტანს, ყველაფერი სწამს, ყველაფრის იმედი აქვს და ყველაფერს ითმენს.
სიყვარული არასოდეს მთავრდება ♥ ♥ ♥
სიყვარული არასოდეს მთავრდება ♥ ♥ ♥
⏱️ 1 წთ.
👁️ 5
100%