გვარის ფუძეა საკუთარის სახელი ათუა.
ათუა მოიხსენიება 1781 წლის 18 თებერვალს, ზურაბ თუმანიშვილის მიერ გიორგი ბატონიშვილის სახელზე გაცემულ არზაში.
ათუა კობელი მეთვრამეტე საუკუნის ყმების ნუსხაშიც მოიხსენიება.
1831 წელს თონეთში ესტატე თავსუბუქმა ჯვარი დაიწერა ბერუა დოლისშვილის ასულ მარიამზე. სასიძოს მხრივ, თავმდები იყო მამუკა ათუაშვილი.
სააკა ათუაშვილი, მართლმადიდებელი, სარწმუნოებით ქართველი, მოიხსენიება სოფელ კოდაში 1851 წელს.
საქართველოში 285 ათუაშვილი ცხოვრობს: თბილისში – 71, გურჯაანში – 53, საგარეჯოში – 49.