აჭარული კერძი - იახნი (წვნიანი კერძები)

საჭირო ინგრედიენტები:

ხორცი - ორი კილოგრამი
ხახვი - 0,5 კილოგრამი
ნიგოზი - 1 ჩაის ჭიქა
ზაფრანა - 3 კოვზი
ხმელი ქინძი - 3-4 სუფრის კოვზი
ნიორი - 2-3 თავი
მარილი, პილპილი - გემოვნებით

მომზადების წესი:

მსუქანი ხორცი დავჭრათ საშუალო ზომის ნაჭრებად (შეიძლება ძვლებიანადაც), დავასხათ წყალი ისე, რომ კარგად ფარავდეს და ვადუღოთ. დუღილის დროს მოვხადოთ ქაფი. ნახევრად მოხარშულ ხორცს დავამატოთ წვრილად დაჭრილი ხახვი, წმინდად დანაყილი ნიგოზი შეზავებული ზაფრანით, შავი პილპილით, ხმელი ქინძით და მარილით. ქურიდან გადმოდგმისას დავამატოთ დანაყილი ნიორი.