ნიგვზიანი აჯაფსანდალი

საჭირო ინგრედიენტები:

ბადრიჯანი - 2 ცალი;
წითელი ბულგარული წიწაკა - 2 ცალი;
მწვანე ლობიო - 300 გრ;
ხახვი - 2 თავი;
პამიდორი - 2 ცალი;
ნიგოზი - 100 გრ;
ნიორი - 3 კბილი;
ქინძი, კამა, ოხრახუში - ნახევარ-ნახევარი კონა;
მარილი - 1 ჩაის კოვზი;
ძმარი - 1 სადილის კოვზი;
ზეთი - 200 გრ (ბოსტნეულის შესაწვავად).

ინვენტარი - ტაფა, სანაყი;
მომზადების დრო - 40 წუთი. დამატებით საჭიროა ჩაცივება.

მომზადების წესი:

დარეცხეთ და დაჭერით ბოსტნეული:
- ბადრიჯანი მრგვალ, 1 სმ სისქის ნაჭრებად;
- ბულგარული გაჭერით 4-ად და ასევე წვრილად დაჭერით;
- ხახვი დაჭერით ალყა-ალყად;
- ლობიო დაჭერით 2-3 სმ სიგრძის ნაჭრებად;
- მწვანილები ან დანაყეთ ან წვრილად დაჭერით;
- პამიდორს გააცალეთ კანი და დააქუცმაცეთ, ან საერთოდ 200 მლ.ლ პამიდვრის წვენით ჩაანაცვლეთ;
ნიორი, ნიგოზი და მარილი დანაყეთ;
ბოსტნეული: ბულგარული, ბადრიჯანი, ხახვი, ლობიო შეწვით რიგ-რიგობით, სახეობების მიხედვით. თუ ლობიო ქორფა არ არის - ჯობია წინასწარ წახარშოთ;

აურიეთ ერთმანეთში დანაყილი ნიორი-ნიგოზი, დაჭრილი მწვანილები, პამიდვრის წვენი და ძმარი;
შემწვარი ბოსტნეული მოათავსეთ ფართე ჭურჭელში და ზემოდან მოასხით პამიდვრის მასა.

დაამატეთ ძმარი, მარილი, წიწაკა და მოურიეთ;
შედგით მაცივარში ჩასაცივებლად.