მაღარაულა (მდინარე საქ.) - magharaula (mdinare saq.)
⏱️ 1 წთ.
👁️ 4
100%
მაღარაულა - მდინარე დუშეთის მუნიციპალიტეტის სოფელ მაღაროსკარში. ერთვის არაგვს. მდინარეს აქვს ორი სათავე, ერთი შენაკადი სათავეს იღებს სოფელ გომეწრის უკანა მხრიდან, ადგილ სიმაგრეულადან და ამ შენაკადს სიმარგეულას ხევს უწოდებენ. ხოლო მეორე შენაკადი სათავეს იღებს მაღაწლის მთის ძირიდან და სოფელ გომეწარს ჩამოუდის წინ. ამ შენაკადს გომეწრულას ეძახიან. საბოლოოდ ეს ორი შენაკადი ერთდება გომეწრის შესასვლელთან. ამ ორი შენაკადის და ორი სახელის მიუხედავად მდინარეს მაინც მაღარაულა ეწოდება, რადგან სოფელ მაღაროსკარში გამოდის და არაგვს სწორედ აქ უერთდება. მდინარე საკმაოდ უხვწყლიანია და უხვთევზიანი (ძირითადად კალმახი). გაზაფხულზე თოვლის დნობასთან ერთად მდინარე ძალზედ დიდდება და ხშირ შემთხვევაში კალაპოტიდანაც გადმოდის. სწორედ ამ მდინარეზე გადის საქართველოს სამხედრო (სახელმწიფო) გზა. ამ გზით უკავშირდება დანარჩენ საქართველოს ფშავი, თუშეთი, ხევსურეთი, შუაფხო, უკანა ფშავი და ჩარგალი.