ქალი მამაჩემის წარსულიდან ..

ქალი მამაჩემის წარსულიდან

(qali mamachemis warsulidan)

მამა დაბერდი უკვე არა?
გაგიჩნდა თმაში ჭაღარა,
რა დაგამშვიდებს რა დაგაწყნარებს
ბედმა ასეთი გზებით გატარა.

ნაფაზს დაარტყავს და ჩააფერფლებს
მამა დარჩება გრძნობით პატარა,
დედისერთა ვარ თუმც მამაჩემმა
ბავშვები ტოვა ბედისამარა.

მამა დავლიოთ რას ვერ ივიწყებ
თუ ისევ ძველი ცოდვა მოგაწვა?!
ვერ დაივიწყე შენ ერთი ქალი
რომელიც მართლა ძლიერ გიყვარდა.

მე მესმის შენი მეც შენ ჯიშის ვარ
ჩემმა სიტყვებმა ალბათ დაგღალა,
რამ გაგაშტერა აღარ იცინი
ბოლო მოგიღო ამ დრომ დამპალმა.

იქნება მითხრა გამიზიარო
სულ სხვა ფიქრები ქალმა დაფარა
იქნება მასთან არ მიგესვლება
არა გპატიობს ალბათ რაღაცას..

დედასთან ყოფნამ ჩამოგაბერა
შენმა ასაკმა ბევრიც დაკარგა,
მინდა ვისწავლო მხოლოდ ვიცოდე
რომ თავთან ვიყო უფრო თამამად.

მამა დავლიოთ მე მესმის შენი,
დედას უმართლებს რომ არ დაგკარგა,
მამა ვივიწყებთ ჩვენ წარსულ ცოდვებს,
მამამ ის გრძნობა დაასამარა.

ერთად ვიკიდებთ კაცურ შეცდომას
ვიჭერთ ჩვენ კვლავაც თავებს ამაყად,
ახლაღა ხვდები?! და ახლა დარდობ,
შენი გრძნობები ქარმა გაფანტა.

მამა ვერ ხვდები? მე გავიზარდე
და ძველებურად პატარა არ ვარ,
ისწავლე მამა შენ ახლა ჩემგან
აწმყოში არ ღირს ქალის დაკარგვა