სევდისფერო

⏱️ 1 წთ. 👁️ 2

100%

სევდისფერო

(sevdisfero)

რომ ჩამომჯდარხარ ჩემს სასთუმალთან შენ სევდისფერო
რა ვქნა გაგკიცხო, გაგაგდო თუ კვლავ შეგიფერო?
ლექსად დაგწერო თუ სიმღერად ჩაგწნა ნოტებში?!
სად შემიძლია მე ამდენი ჰოდა მომეშვი!
გარეთ მზე ნისლმა გადაყლაპა წაართვა გონი...
ცა მოიქუფრა, მოიღრუბლა, იწვიმებს მგონი...
სიზმარს ვკითხულობ გამოყოლილს თბილი ძილიდან
ვხვდები მიმსგავსა დღეს ამინდმა სისხამ დილიდან...
იასამნები აყვავდება, ისევ მეღირსა
ვიხილო ფერს, რომ გადიკრავენ ტუჩზე მელნისფრად...
მერე ტყემლები თეთრ თოვაში გაეხვევიან
ალბათ სიტყვებიც თავზე მაშინ დამეხვევიან და
მაშინ დავწერ, რასაც ვმალავ , რასაც ვინახავ
თუმცა გითხარი ბევრჯერ უკვე როგორ მიყვარხარ!

Facebook

სევდისფერო

დატოვე კომენტარი

გაუზიარე აზრი სხვებს!